ఏమని నుతించవచ్చు యీతని ప్రతాపము
(॥పల్లవి॥)
ఏమని నుతించవచ్చు యీతని ప్రతాపము
కామించి యీరేడులోకములెల్లా నిండెను
(॥ఏమని॥)
యీవల దేవుఁడు రథమెక్కితేను దైత్యులెల్ల
కావిరిఁ జక్రవాళాద్రికడకెక్కిరి
భావించి చక్ర మీతఁడు పట్టితే నసురలెల్ల
ధావతితోడుతను పాతాళమువట్టిరి
(॥ఏమని॥)
గరుడ ధ్వజము హరి కట్టెదుర నెత్తించితే
పరువెత్తిరి దానవ బలమెల్లను
గరిమ నీ తేరి బండికండ్లు గదలితేను
ఖరమైన దైత్యసేన క్రక్కదలి విరిగె
(॥ఏమని॥)
ధృతి శ్రీ వేంకటేశుఁడు తిరువీధులేఁగితేను
కుతిలాన శత్రులు దిక్కులకేఁగిరి
తతి నలమేల్మంగతో తన నగరు చొచ్చితే
సతమై బలి ముఖ్యులు శరణము చొచ్చిరి
(||pallavi||)
emani nudiṁchavachchu yīdani pradābamu
kāmiṁchi yīreḍulogamulĕllā niṁḍĕnu
(||emani||)
yīvala devum̐ḍu rathamĕkkidenu daityulĕlla
kāvirim̐ jakravāḽādrigaḍagĕkkiri
bhāviṁchi sakra mīdam̐ḍu paṭṭide nasuralĕlla
dhāvadidoḍudanu pādāḽamuvaṭṭiri
(||emani||)
garuḍa dhvajamu hari kaṭṭĕdura nĕttiṁchide
paruvĕttiri dānava balamĕllanu
garima nī teri baṁḍigaṁḍlu gadalidenu
kharamaina daityasena krakkadali virigĕ
(||emani||)
dhṛti śhrī veṁkaḍeśhum̐ḍu tiruvīdhulem̐gidenu
kudilāna śhatrulu dikkulagem̐giri
tadi nalamelmaṁgado tana nagaru sŏchchide
sadamai bali mukhyulu śharaṇamu sŏchchiri