ఏమని భావింతు నిన్ను నెంతని సంతోసింతు
(॥పల్లవి॥)
ఏమని భావింతు నిన్ను నెంతని సంతోసింతు
శ్రీమంతుఁడ నన్ను దిద్దే చేఁతోయిది
(॥ఏమ॥)
కాంతుఁడ నేనెంతాడినా గక్కదలవు నీవు
యెంత రాతిగుండెవాఁడ వేమి చెప్పేది
శాంతుఁడవో గట్టువాయిజాణతనమో యిట్టె
మంతుకెక్కించే నామీఁది మన్ననో యిద
(॥ఏమ॥)
దిట్టనై నేజంక్కిచితే తెమలవేమిటా నీవు
యెట్టి చలపాదివాఁడ వేమి చెప్పేది
గుట్టు నీకింతగలదో గుణము చండిపడెనో
గట్టిగా నన్నీడేర్చే కరుణో యిది
(॥ఏమ॥)
బిగ్గె నేఁగాఁగిలించితే బెగడవేమిటా నీవు
యెగ్గులెంతెంచనివాఁడ వేమి చెప్పేది
సిగ్గరితనమో నేఁడు శ్రీవేంకటేశ నీనవ్వో
కగ్గులేకేలితివి నాకన్నవరమో యిది
(||pallavi||)
emani bhāviṁtu ninnu nĕṁtani saṁtosiṁtu
śhrīmaṁtum̐ḍa nannu didde sem̐toyidi
(||ema||)
kāṁtum̐ḍa nenĕṁtāḍinā gakkadalavu nīvu
yĕṁta rādiguṁḍĕvām̐ḍa vemi sĕppedi
śhāṁtum̐ḍavo gaṭṭuvāyijāṇadanamo yiṭṭĕ
maṁtugĕkkiṁche nāmīm̐di mannano yida
(||ema||)
diṭṭanai nejaṁkkiside tĕmalavemiḍā nīvu
yĕṭṭi salabādivām̐ḍa vemi sĕppedi
guṭṭu nīgiṁtagalado guṇamu saṁḍibaḍĕno
gaṭṭigā nannīḍerse karuṇo yidi
(||ema||)
biggĕ nem̐gām̐giliṁchide bĕgaḍavemiḍā nīvu
yĕggulĕṁtĕṁchanivām̐ḍa vemi sĕppedi
siggaridanamo nem̐ḍu śhrīveṁkaḍeśha nīnavvo
kaggulegelidivi nāgannavaramo yidi