ఏమనేమయ్య నీవు యేలికవు మాకునెల్లా
(॥పల్లవి॥)
ఏమనేమయ్య నీవు యేలికవు మాకునెల్లా
ఆమనిగా మోవి చూపి యాస రేఁచేవు
(॥॥)
ఇచ్చకములే సేసి యెలయించి యెలయించి
పచ్చిదేర నింతులను భ్రమయించేవు
ముచ్చటలాడి కడు మోహములు పైఁజల్లి
మెచ్చులుగా వలపించి మేకులు సేసేవు
(॥॥)
సందడిఁ జేతులు చాఁచి జవ్వనము లంటియంటి
మంద పెండ్లి కూఁతులను మరిగించేవు
విందులవీడెము లిచ్చి వేసాలు గడునెరపి
యిందులోనే యేకతాన యెమ్మెల మించేవు
(॥॥)
నమ్మిక లెన్నైనా నిచ్చి నగవులు పచరించి
మమ్ము నిందరినిఁ గూడి మన్నించేవు
నెమ్మది శ్రీవేంకటేశ నేరుపులు పచరించి
నిమ్మపండు చేతికిచ్చి నీటులు చూపేవు
(||pallavi||)
emanemayya nīvu yeligavu māgunĕllā
āmanigā movi sūbi yāsa rem̐sevu
(||||)
ichchagamule sesi yĕlayiṁchi yĕlayiṁchi
pachchidera niṁtulanu bhramayiṁchevu
muchchaḍalāḍi kaḍu mohamulu paim̐jalli
mĕchchulugā valabiṁchi megulu sesevu
(||||)
saṁdaḍim̐ jedulu sām̐si javvanamu laṁṭiyaṁṭi
maṁda pĕṁḍli kūm̐tulanu marigiṁchevu
viṁdulavīḍĕmu lichchi vesālu gaḍunĕrabi
yiṁdulone yegadāna yĕmmĕla miṁchevu
(||||)
nammiga lĕnnainā nichchi nagavulu pasariṁchi
mammu niṁdarinim̐ gūḍi manniṁchevu
nĕmmadi śhrīveṁkaḍeśha nerubulu pasariṁchi
nimmabaṁḍu sedigichchi nīḍulu sūbevu