ఏమనవచ్చును చెల్లుచున్నవివె యీశ్వర నీమాయలు గొన్ని
(॥పల్లవి॥)
ఏమనవచ్చును చెల్లుచున్నవివె యీశ్వర నీమాయలు గొన్ని
శ్రీమాధవ నీ చిత్తము కొలఁదిఁక చెప్పెడిదేఁటికి జీవులకు
(॥ఏమ॥)
కలిదోషనిరుహరణ కైవల్యాకర హరి
తలఁచినవారిది నేరుపు మిముఁ దలఁచనివారిది నేరమి
కలుషమెడలి సూర్యోదయమైనా కానవుకొన్నిజంతువులు
తెలిసినవారలు కందురు యీతెరఁగలు రెంటికి దినమొకటే
(॥ఏమ॥)
శరణాగతరక్షణచతుర సర్వాంతరాత్మక యచ్యుత
సరి నిన్నుఁ గొలిచినవారిది పుణ్యము చలమున మానుటే పాపము
సరుగనఁ గాచేటి చల్లని చంద్రుఁడు జారచోరులకుఁ గడు వేఁడి
అరయఁగఁ గలువలకును హితుఁడు అందుకు నిందుకు గురి యితఁడే
(॥ఏమ॥)
శ్రీవేంకటగిరినిలయ శ్రీసతీశ పురుషోత్తమ
మివొద్దనుండితే వైకుంఠము మిమ్ము నెడసితే నరకము
భావములోపల నీవే వుండఁగ భక్తి లేదు కొందరికైతే
శ్రీవైష్ణువులకు నిత్యము యీ చింతలు రెంటికి నీ మహిమే
(||pallavi||)
emanavachchunu sĕllusunnavivĕ yīśhvara nīmāyalu gŏnni
śhrīmādhava nī sittamu kŏlam̐dim̐ka sĕppĕḍidem̐ṭigi jīvulagu
(||ema||)
kalidoṣhaniruharaṇa kaivalyāgara hari
talam̐sinavāridi nerubu mimum̐ dalam̐sanivāridi nerami
kaluṣhamĕḍali sūryodayamainā kānavugŏnnijaṁtuvulu
tĕlisinavāralu kaṁduru yīdĕram̐galu rĕṁṭigi dinamŏgaḍe
(||ema||)
śharaṇāgadarakṣhaṇasadura sarvāṁtarātmaga yachyuda
sari ninnum̐ gŏlisinavāridi puṇyamu salamuna mānuḍe pābamu
saruganam̐ gāseḍi sallani saṁdrum̐ḍu jārasorulagum̐ gaḍu vem̐ḍi
arayam̐gam̐ galuvalagunu hidum̐ḍu aṁdugu niṁdugu guri yidam̐ḍe
(||ema||)
śhrīveṁkaḍagirinilaya śhrīsadīśha puruṣhottama
mivŏddanuṁḍide vaiguṁṭhamu mimmu nĕḍaside naragamu
bhāvamulobala nīve vuṁḍam̐ga bhakti ledu kŏṁdarigaide
śhrīvaiṣhṇuvulagu nityamu yī siṁtalu rĕṁṭigi nī mahime