ఏమనవచ్చును గొందరికింపౌఁ బులుసులుఁ దీపులు
(॥పల్లవి॥)
ఏమనవచ్చును గొందరికింపౌఁ బులుసులుఁ దీపులు
సోమరితనమున నిన్నిటఁ జొరదీ నా తలఁపు
(॥ఏమన॥)
పదిలంబుగ సర్వాత్మక భావము దలఁచినపిమ్మట
ముదమున నెవ్వరిఁ జూచిన మొక్కక పోరాదు
వదలక యిన్నిటను శ్రీవల్లభుఁడున్నాఁడుండిన
హృదయము చంచలమిన్నిట నెనయదు నామనసు
(॥ఏమన॥)
ఎక్కడఁ జూచినఁ బ్రాణులకిన్నియు నాచారములే
చిక్కక యిన్నియుఁగైకొని చేయక పోరాదు
మక్కువ నిన్నియు శ్రీ హరి మతములె కానీ అయినా
ఒక్కటియే చాలును నాకొడఁబడవితరములు
(॥ఏమన॥)
ఏరీతులనటు చూచిన నిందరు బలుదైవములే
కూరిమినందరినటువలెఁ గొలువకపోరాదు
ధారుణి వేంకటపతిచేఁతలు ఇవియైనాఁగాని
కోరిక నా కితఁడే మరి కొరకొరలిన్నియును
(||pallavi||)
emanavachchunu gŏṁdarigiṁpaum̐ bulusulum̐ dībulu
somaridanamuna ninniḍam̐ jŏradī nā talam̐pu
(||emana||)
padilaṁbuga sarvātmaga bhāvamu dalam̐sinabimmaḍa
mudamuna nĕvvarim̐ jūsina mŏkkaga porādu
vadalaga yinniḍanu śhrīvallabhum̐ḍunnām̐ḍuṁḍina
hṛdayamu saṁchalaminniḍa nĕnayadu nāmanasu
(||emana||)
ĕkkaḍam̐ jūsinam̐ brāṇulaginniyu nāsāramule
sikkaga yinniyum̐gaigŏni seyaga porādu
makkuva ninniyu śhrī hari madamulĕ kānī ayinā
ŏkkaḍiye sālunu nāgŏḍam̐baḍavidaramulu
(||emana||)
erīdulanaḍu sūsina niṁdaru baludaivamule
kūriminaṁdarinaḍuvalĕm̐ gŏluvagaborādu
dhāruṇi veṁkaḍabadisem̐talu iviyainām̐gāni
koriga nā kidam̐ḍe mari kŏragŏralinniyunu