ఏమనఁగ వచ్చునమ్మ ఇటువంటివారిఁ జూచి
(॥పల్లవి॥)
ఏమనఁగ వచ్చునమ్మ ఇటువంటివారిఁ జూచి
కామించి గోపికలెల్లాఁ గాచుకున్నా రదివో
(॥ఏమ॥)
రోలఁ గట్టుపడ్డవాఁడు రోఁకలి పట్టినవాఁడు
వేళలేదు వెన్నలెల్ల వెరఁజాడేరు
వేలఁ గొండెత్తినవాఁడు వేరే యేరుసేసేవాఁడు
బాలులవలెనే వీధిఁ బారాడేరు వారివో
(॥ఏమ॥)
కాటుకమైచాయవాఁడు కప్పురపువన్నెవాఁడు
కూటము గూడుక జోడుకోడెలైనారు
నీటుఁ బైఁడికోకవాఁడు నీలికాశతోడివాఁడు
తేటలై దూడలఁ గాచి తిరిగేరు వారివో
(॥ఏమ॥)
చేరి చీరలిచ్చువాఁడు చెలిఁ గుంగించినవాఁడు
ధీరులై రేపల్లెలోనఁ దిరిగేరదే
యీ రీతి శ్రీవేంకటాద్రి నిద్దరును నేకరూపై
కోరినవారి వరాలు కొల్లలిచ్చే రదివో
(||pallavi||)
emanam̐ga vachchunamma iḍuvaṁṭivārim̐ jūsi
kāmiṁchi gobigalĕllām̐ gāsugunnā radivo
(||ema||)
rolam̐ gaṭṭubaḍḍavām̐ḍu rom̐kali paṭṭinavām̐ḍu
veḽaledu vĕnnalĕlla vĕram̐jāḍeru
velam̐ gŏṁḍĕttinavām̐ḍu vere yerusesevām̐ḍu
bālulavalĕne vīdhim̐ bārāḍeru vārivo
(||ema||)
kāḍugamaisāyavām̐ḍu kappurabuvannĕvām̐ḍu
kūḍamu gūḍuga joḍugoḍĕlaināru
nīḍum̐ baim̐ḍigogavām̐ḍu nīligāśhadoḍivām̐ḍu
teḍalai dūḍalam̐ gāsi tirigeru vārivo
(||ema||)
seri sīralichchuvām̐ḍu sĕlim̐ guṁgiṁchinavām̐ḍu
dhīrulai reballĕlonam̐ dirigerade
yī rīdi śhrīveṁkaḍādri niddarunu negarūbai
korinavāri varālu kŏllalichche radivo