(॥పల్లవి॥)
ఏమాట కేమాట యెంత కెంతరా
యీమాటె యాడవె నీ వింకా నొకమారు
(॥ఏవ॥)
అంటఁగాక వున్నదాన నట్టెవుండరా
అంటెనె నీచూపులు న న్నంతక తొల్లె
అంటువాయఁ జెమట నీరాడవా నీవు చి
ట్టంటు నీచేఁతలు నామై నంటవలదా
(॥ఏవ॥)
తలపట్టుతో నుందాన దగ్గరకురా నా
తలఁ పట్టె నీ మీఁదఁ దగు లాయనే
తలపోఁత పేరు నీమైఁ దలకొనదా
తలపడి మేను మేనుఁ దడఁబడవలదా
(॥ఏవ॥)
కన్నుల నిద్దుర వచ్చీఁ గాఁగి లేలరా నీ
కన్నుల సన్నలె కావా కందువ చెప్పె
నన్ను నిట్టె శ్రీవెంకటనాథ కూడితి
కన్నెరొ యిట్టె రతులఁ గరగించవలదా
(||pallavi||)
emāḍa kemāḍa yĕṁta kĕṁtarā
yīmāḍĕ yāḍavĕ nī viṁkā nŏgamāru
(||eva||)
aṁṭam̐gāga vunnadāna naṭṭĕvuṁḍarā
aṁṭĕnĕ nīsūbulu na nnaṁtaga tŏllĕ
aṁṭuvāyam̐ jĕmaḍa nīrāḍavā nīvu si
ṭṭaṁṭu nīsem̐talu nāmai naṁṭavaladā
(||eva||)
talabaṭṭudo nuṁdāna daggaragurā nā
talam̐ paṭṭĕ nī mīm̐dam̐ dagu lāyane
talabom̐ta peru nīmaim̐ dalagŏnadā
talabaḍi menu menum̐ daḍam̐baḍavaladā
(||eva||)
kannula niddura vachchīm̐ gām̐gi lelarā nī
kannula sannalĕ kāvā kaṁduva sĕppĕ
nannu niṭṭĕ śhrīvĕṁkaḍanātha kūḍidi
kannĕrŏ yiṭṭĕ radulam̐ garagiṁchavaladā