(॥పల్లవి॥)
ఎల్లలోకములవారి కేలిక దానే
కొల్లగా వరములిచ్చే గురుతైన దైవము
(॥ఎల్ల॥)
కొండల కోనల లోన కోనేటి సరిదండ
మెండైన బంగారు మేడలలోన
నిండు జవ్వనము తోడి నెలఁత కౌఁగిటలోన
వుండి జగమెల్ల నేలీ నుద్దండ దైవము
(॥ఎల్ల॥)
నాలుగు చేతుల తోడ నవ్వుల మోముతోడ
సోలి సంకుఁజక్రముల సొంపుతోడ
నేలమిన్నునొకటై నిలుచున్న రూపుతోడ
పాలుపడి మెరసీని ప్రత్యక్ష దైవము
(॥ఎల్ల॥)
సంపదలు కడుమించి చవులతో నారగించి
జొంపపు విరుల పూజ సొంపుమించి
యింపుల శ్రీవేంకటాద్రి నిరవై వున్నాఁడు వీఁడె
పంపుడు దేవతలతోఁ బ్రతిలేని దైవము
(||pallavi||)
ĕllalogamulavāri keliga dāne
kŏllagā varamulichche gurudaina daivamu
(||ĕlla||)
kŏṁḍala konala lona koneḍi saridaṁḍa
mĕṁḍaina baṁgāru meḍalalona
niṁḍu javvanamu toḍi nĕlam̐ta kaum̐giḍalona
vuṁḍi jagamĕlla nelī nuddaṁḍa daivamu
(||ĕlla||)
nālugu sedula toḍa navvula momudoḍa
soli saṁkum̐jakramula sŏṁpudoḍa
nelaminnunŏgaḍai nilusunna rūbudoḍa
pālubaḍi mĕrasīni pratyakṣha daivamu
(||ĕlla||)
saṁpadalu kaḍumiṁchi savulado nāragiṁchi
jŏṁpabu virula pūja sŏṁpumiṁchi
yiṁpula śhrīveṁkaḍādri niravai vunnām̐ḍu vīm̐ḍĕ
paṁpuḍu devadaladom̐ bradileni daivamu