ఏలికె విందరికి యీ దేహభూమి నీది
(॥పల్లవి॥)
ఏలికె విందరికి యీ దేహభూమి నీది
మేలు అన్ని మట్టుపెట్టి మించరాదా జీవుఁడ
(॥ఏలి॥)
వెలిఁబడ్డ యింద్రియాల వెలయ లోనికిఁ బిల్చి
కొలువులు సేయించుకొనరాదా
కలఁచెడి లోలోని కామాదిశత్రువుల
బెళకనీకడ్డపెట్టింపించరాదా జీవుఁడ
(॥ఏలి॥)
అట్టే పరువుదోలిన ఆసలనే గుఱ్ఱముల
గట్టిగ లోలాయమునఁ గట్టుకోరాదా
వొట్టి యెదుట పౌఁజులై వుండిన భోగములను
ముట్టి యంతర్యామికిచ్చి మొక్కరాదా జీవుఁడ
(॥ఏలి॥)
పంపువెట్టి దండంపిన బలు నీ వుద్యోగాల-
గుంప గూర్చి ముక్తి చూరగొనరాదా
ఇంపుల శ్రీవేంకటేశుఁడితఁడే సర్వకర్త
సొంపుగ భావించి చక్కఁజూడరాదా జీవుఁడ
(||pallavi||)
eligĕ viṁdarigi yī dehabhūmi nīdi
melu anni maṭṭubĕṭṭi miṁcharādā jīvum̐ḍa
(||eli||)
vĕlim̐baḍḍa yiṁdriyāla vĕlaya lonigim̐ bilsi
kŏluvulu seyiṁchugŏnarādā
kalam̐sĕḍi loloni kāmādiśhatruvula
bĕḽaganīgaḍḍabĕṭṭiṁpiṁcharādā jīvum̐ḍa
(||eli||)
aṭṭe paruvudolina āsalane guṭramula
gaṭṭiga lolāyamunam̐ gaṭṭugorādā
vŏṭṭi yĕduḍa paum̐julai vuṁḍina bhogamulanu
muṭṭi yaṁtaryāmigichchi mŏkkarādā jīvum̐ḍa
(||eli||)
paṁpuvĕṭṭi daṁḍaṁpina balu nī vudyogāla-
guṁpa gūrsi mukti sūragŏnarādā
iṁpula śhrīveṁkaḍeśhum̐ḍidam̐ḍe sarvagarda
sŏṁpuga bhāviṁchi sakkam̐jūḍarādā jīvum̐ḍa