ఏలికె చెప్పినపని కెదురాడేనా
(॥పల్లవి॥)
ఏలికె చెప్పినపని కెదురాడేనా
నీ లీల లివియని నిండుకుండే నేను
(॥ఏలికె॥)
నీవు నాలోనున్నాఁడవు నే నున్నాఁడ సముఖాన
కావరపుటింద్రియాలు కాకు సేసీని
దేవర నీయప్పణో తెలియనానతీ నాకు
ఆవిధమైతేనే అపరాధము లేదు
(॥ఏలికె॥)
జగదీశుడవు నీవు శరణాగతుఁడ నేను
జిగిఁ గామ క్రోధాలేల చిమ్మిరేఁచీని
నగుతా నప్పగించేవో నాకది గాదన రాదు
తగునిట్లానే యైతే తప్పులేదు మాకును
(॥ఏలికె॥)
పుట్టించేవాఁడవు నీవు పుట్టుగులు నాసొమ్ము
చుట్టి సుఖదుఃఖా లేల సూడువట్టీని
నెట్టన శ్రీవేంకటేశ నీనటనో మంచిదాయ
యిట్టయితే మావంక నిఁక నేరమి లేదు
(||pallavi||)
eligĕ sĕppinabani kĕdurāḍenā
nī līla liviyani niṁḍuguṁḍe nenu
(||eligĕ||)
nīvu nālonunnām̐ḍavu ne nunnām̐ḍa samukhāna
kāvarabuḍiṁdriyālu kāgu sesīni
devara nīyappaṇo tĕliyanānadī nāgu
āvidhamaidene abarādhamu ledu
(||eligĕ||)
jagadīśhuḍavu nīvu śharaṇāgadum̐ḍa nenu
jigim̐ gāma krodhālela simmirem̐sīni
nagudā nappagiṁchevo nāgadi gādana rādu
taguniṭlāne yaide tappuledu māgunu
(||eligĕ||)
puṭṭiṁchevām̐ḍavu nīvu puṭṭugulu nāsŏmmu
suṭṭi sukhaduḥkhā lela sūḍuvaṭṭīni
nĕṭṭana śhrīveṁkaḍeśha nīnaḍano maṁchidāya
yiṭṭayide māvaṁka nim̐ka nerami ledu