(॥పల్లవి॥)
ఏలే పడుసా యేదేని గుడుసా
చాలు నేఁపకువే జవ్వనంపు గడుసా
(॥ఏలే॥)
వద్దేలే కసరు వలనని కిసరు
పొద్దువొద్దులకుఁ జూపుల యసరు
పెద్దైన వలపుల పిసరు లోన-
న్నద్దేవు నేనైతినసురుసురు
(॥ఏలే॥)
వచ్చేనేననవే నా వలపు చేకొనవే
మచ్చుచల్లక నామాట వినవే
ఇచ్చేననవే నీహృదయమింతటనైన
రిచ్చపడిన నాకూరిమి గనుఁగొనవే
(॥ఏలే॥)
రావే సంగడికి రతుల యంగడికి
శ్రీ వేంకటేశుఁడ నా చెంగటికిని
నీవే కౌఁగిటికి నిధులలోఁగిటికి
మోవీవే వెరవక మోహపుటాఁకటికి
(||pallavi||)
ele paḍusā yedeni guḍusā
sālu nem̐paguve javvanaṁpu gaḍusā
(||ele||)
vaddele kasaru valanani kisaru
pŏdduvŏddulagum̐ jūbula yasaru
pĕddaina valabula pisaru lona-
nnaddevu nenaidinasurusuru
(||ele||)
vachchenenanave nā valabu segŏnave
machchusallaga nāmāḍa vinave
ichchenanave nīhṛdayamiṁtaḍanaina
richchabaḍina nāgūrimi ganum̐gŏnave
(||ele||)
rāve saṁgaḍigi radula yaṁgaḍigi
śhrī veṁkaḍeśhum̐ḍa nā sĕṁgaḍigini
nīve kaum̐giḍigi nidhulalom̐giḍigi
movīve vĕravaga mohabuḍām̐kaḍigi