(॥పల్లవి॥)
ఏలే జాణతనాలు యింతేసి నీకు
యేలేవాఁడవు నీవే యేమని చెప్పుదురా
(॥ఏలే॥)
సెలవుల నవ్వేవేమే చెలియా నీకె
సెలవుసుమీ యది చెప్పితి నేను
పలుకులు నేరుతువే పసలుగాను ఆ -
పలుకులు కర్పురపుబరణివే కదరా
(॥ఏలే॥)
మనసు దెలుపవే మగువా అవులే
మనసుద్దు లెల్లాను మరుఁడెఱుఁగు
మొనలుగాఁ బెంచితివేమే ముద్దులగోళ్లు
మొనలు చూడరా జాజిమొగ్గలలో నున్నవి
(॥ఏలే॥)
పేరు చెప్పఁగదవే పిన్నదానా పాలు
పేరుఁ దోడంటు వెట్టితే పెరుగువెలెనే
సారెసారెఁ బెనఁగేవే సమరతుల
సారెలు శ్రీవేంకటేశ చక్కఁగా నాడించరా
(||pallavi||)
ele jāṇadanālu yiṁtesi nīgu
yelevām̐ḍavu nīve yemani sĕppudurā
(||ele||)
sĕlavula navveveme sĕliyā nīgĕ
sĕlavusumī yadi sĕppidi nenu
palugulu neruduve pasalugānu ā -
palugulu karburabubaraṇive kadarā
(||ele||)
manasu dĕlubave maguvā avule
manasuddu lĕllānu marum̐ḍĕṟum̐gu
mŏnalugām̐ bĕṁchidiveme muddulagoḽlu
mŏnalu sūḍarā jājimŏggalalo nunnavi
(||ele||)
peru sĕppam̐gadave pinnadānā pālu
perum̐ doḍaṁṭu vĕṭṭide pĕruguvĕlĕne
sārĕsārĕm̐ bĕnam̐geve samaradula
sārĕlu śhrīveṁkaḍeśha sakkam̐gā nāḍiṁcharā