(॥పల్లవి॥)
ఏలయ్య యింతేసి మమ్ము యిటు రట్టుసేసేవు
తాలిమితోడుత నీదయలోనివారము
(॥ఏల॥)
కనుఁగొన చపులనే కరఁగించితిననేవు
వినయాలు చెప్పనీకు వింతవారమా
పెనఁగి మోవితేనెల పిలిచి విందువేట్టేవు
వెనకా ముందరా నీకు వినయాలవారమా
(॥ఏల॥)
సరుగ మంచముపై నాసలఁ గూచుండుమనేవు
సరుకు రాను నీసరివారమా
యెరవుసేయక మాతో నేకతములాడేవు
అరసి నీకు బుద్దిచెప్పేయంతేసివారమా
(॥ఏల॥)
కలసిన రతులెల్లా ఘనముగాఁ బొగడేవు
తొలుతనే నీకంటె దొడ్డవారమా
చెలఁగి శ్రీవేంకటేశ చేకొని కూడితివిట్టే
పొలసిన నీవంటి పోలికలవారమా
(||pallavi||)
elayya yiṁtesi mammu yiḍu raṭṭusesevu
tālimidoḍuda nīdayalonivāramu
(||ela||)
kanum̐gŏna sabulane karam̐giṁchidinanevu
vinayālu sĕppanīgu viṁtavāramā
pĕnam̐gi movidenĕla pilisi viṁduveṭṭevu
vĕnagā muṁdarā nīgu vinayālavāramā
(||ela||)
saruga maṁchamubai nāsalam̐ gūsuṁḍumanevu
sarugu rānu nīsarivāramā
yĕravuseyaga mādo negadamulāḍevu
arasi nīgu buddisĕppeyaṁtesivāramā
(||ela||)
kalasina radulĕllā ghanamugām̐ bŏgaḍevu
tŏludane nīgaṁṭĕ dŏḍḍavāramā
sĕlam̐gi śhrīveṁkaḍeśha segŏni kūḍidiviṭṭe
pŏlasina nīvaṁṭi poligalavāramā