(॥పల్లవి॥)
ఏలవచ్చీ యేలపోయీ నెందుండీఁ బ్రాణి
తోలుతి త్తిలోనఁ జొచ్చి దుంక దూరనా
(॥ఏల॥)
పుట్టులేక నరకాలపుంగుడై తా నుండక యీ-
పుట్టుగున కేల వచ్చీ పోయీఁ బ్రాణి
పుట్టుచునే కన్న వారిఁ బుట్టినవారి నాసలఁ
బెట్టిపట్టి దు:ఖములఁ బెడరేఁచనా
(॥ఏల॥)
భూతమై యడవిలోఁ బొక్కుచుఁ దా నుండక యీ-
బూతుజన్మమేల మోఁచెఁ బుచ్చిన ప్రాణి
రాతిరిఁబగలు ఘోరపుఁబాటు వడిపడి
పాతకాలు చేసి యమబాధఁబడనా
(॥ఏల॥)
కీటమై వేంకటగిరి కిందనైన నుండక యీ-
చేటువాటుకేల నోఁచె చెల్లఁబో ప్రాణి
గాటమైనసంపదల కడలేనిపుణ్యాల-
కోటికిఁ బడగెత్తక కొంచెపడనా
(||pallavi||)
elavachchī yelaboyī nĕṁduṁḍīm̐ brāṇi
toludi ttilonam̐ jŏchchi duṁka dūranā
(||ela||)
puṭṭulega naragālabuṁguḍai tā nuṁḍaga yī-
puṭṭuguna kela vachchī poyīm̐ brāṇi
puṭṭusune kanna vārim̐ buṭṭinavāri nāsalam̐
bĕṭṭibaṭṭi du:khamulam̐ bĕḍarem̐sanā
(||ela||)
bhūdamai yaḍavilom̐ bŏkkusum̐ dā nuṁḍaga yī-
būdujanmamela mom̐sĕm̐ buchchina prāṇi
rādirim̐bagalu ghorabum̐bāḍu vaḍibaḍi
pādagālu sesi yamabādham̐baḍanā
(||ela||)
kīḍamai veṁkaḍagiri kiṁdanaina nuṁḍaga yī-
seḍuvāḍugela nom̐sĕ sĕllam̐bo prāṇi
gāḍamainasaṁpadala kaḍalenibuṇyāla-
koḍigim̐ baḍagĕttaga kŏṁchĕbaḍanā