(॥పల్లవి॥)
ఏలాతని దూరేవే యింకా నీవు
ఆ లీలఁ బుణ్యఫలములవి నీకే వలదా
(॥ఏలా॥)
గుట్టుతోడ నీమోవి గురుతు సేసినాఁడింతే
తిట్టకువే రమణుని తెరవ నీవు
వట్టిమాకులిగిరించు వనిత నీమాట వింటే
నెట్టన ఆగుణములు నీకు నీకే వలదా
(॥ఏలా॥)
రేసుల నీచేతులను రెట్టింపు సేయఁగనేలే
ఆసల సాదించకువే ఆతని నీవు
వాసికిఁ బూవకపూచు వనిత నీచేఁతలకు
బాసల నీయందే అవి పతి చూపవలదా
(॥ఏలా॥)
ముంచి వొత్తిన చన్నుల ముద్రలు వొత్తినాఁడింతే
అంచల శ్రీవేంకటేశుననకు నీవు
యెంచనీతనిఁ గూడితెందైనాఁ గావక కాచు
నించి నీజాణతనాలు నీమీఁదనే వలదా
(||pallavi||)
elādani dūreve yiṁkā nīvu
ā līlam̐ buṇyaphalamulavi nīge valadā
(||elā||)
guṭṭudoḍa nīmovi gurudu sesinām̐ḍiṁte
tiṭṭaguve ramaṇuni tĕrava nīvu
vaṭṭimāguligiriṁchu vanida nīmāḍa viṁṭe
nĕṭṭana āguṇamulu nīgu nīge valadā
(||elā||)
resula nīsedulanu rĕṭṭiṁpu seyam̐ganele
āsala sādiṁchaguve ādani nīvu
vāsigim̐ būvagabūsu vanida nīsem̐talagu
bāsala nīyaṁde avi padi sūbavaladā
(||elā||)
muṁchi vŏttina sannula mudralu vŏttinām̐ḍiṁte
aṁchala śhrīveṁkaḍeśhunanagu nīvu
yĕṁchanīdanim̐ gūḍidĕṁdainām̐ gāvaga kāsu
niṁchi nījāṇadanālu nīmīm̐dane valadā