(॥పల్లవి॥)
ఏల వెరచేవు నమ్ము యేమీనన దాపె నిన్ను
తాలిమితో మాటాడితే తప్పులన్నీఁ దీరును
(॥ఏల॥)
చెలి పిలువనంపఁగా సింగారించుకొనేనంటా
యెలిమితో జరపులనేల పెట్టేవు
వెలయలేకలంపెను వేలఁ దగిలించుకొని
సొలపుల మమ్మునేమి సుద్దులడిగేవు
(॥ఏల॥)
భామ నీదిక్కుచూడఁగా పనిగలవానివలె
వేమారుఁ దలవంచేవు వీదిలోనుండి
తామరగొని వేసితే తగఁజేతఁ బట్టుకొని
ప్రేమముతో మాకునెంత ప్రియాలు చెప్పేవు
(॥ఏల॥)
అలమేలుమంగను అదరిపాటువలెను
కలసేవాకెను శ్రీ వెంకటేశ్వర
యెలమినెదురుచూచెనిందాఁకా నీకుఁ గాను
వెలినాకెకేమి విన్నవించకుమనేవు
(||pallavi||)
ela vĕrasevu nammu yemīnana dābĕ ninnu
tālimido māḍāḍide tappulannīm̐ dīrunu
(||ela||)
sĕli piluvanaṁpam̐gā siṁgāriṁchugŏnenaṁṭā
yĕlimido jarabulanela pĕṭṭevu
vĕlayalegalaṁpĕnu velam̐ dagiliṁchugŏni
sŏlabula mammunemi suddulaḍigevu
(||ela||)
bhāma nīdikkusūḍam̐gā panigalavānivalĕ
vemārum̐ dalavaṁchevu vīdilonuṁḍi
tāmaragŏni veside tagam̐jedam̐ baṭṭugŏni
premamudo māgunĕṁta priyālu sĕppevu
(||ela||)
alamelumaṁganu adaribāḍuvalĕnu
kalasevāgĕnu śhrī vĕṁkaḍeśhvara
yĕlaminĕdurusūsĕniṁdām̐kā nīgum̐ gānu
vĕlināgĕgemi vinnaviṁchagumanevu