ఏల సిబ్బితిపడేవు; యేమి సేసేది; నీవు
(॥పల్లవి॥)
ఏల సిబ్బితిపడేవు; యేమి సేసేది; నీవు
యేలిక విందరికైతే ఇంతలోనే తప్పెనా
(॥ఏల॥)
చెనకి నీమదిలోని సిగ్గులు వాపేకొరకే
ననుపుసేసుక నీతో నవ్వితి నేను
మనసు రంజిల్లఁజేసి మాటలాడేకొరకే
చనవుసేసుకొని సరుసఁ గూర్చుంటిని
(॥ఏల॥)
ముంచిననీమొగమోటములు దీరిచేకొరకే
వంచనతో నీయింటికి వచ్చితి నేను
కొంచిననీమేనియళుకులు మానిపేకొరకే
అంచెలఁ బైకొంటి నీకంటె ముందు నేను
(॥ఏల॥)
చేసిననీచేతఁలెల్లా జెల్లఁబెట్టేటికొరకే
మూసి దించి కాఁగిలించి మొక్కితి నీకు
వాసుల శ్రీవేంకటేశ వలపుఁరేఁచేకొరకే
రాసికెక్కి నీకిచ్చకురాల నైతి నేను
(||pallavi||)
ela sibbidibaḍevu; yemi sesedi; nīvu
yeliga viṁdarigaide iṁtalone tappĕnā
(||ela||)
sĕnagi nīmadiloni siggulu vābegŏrage
nanubusesuga nīdo navvidi nenu
manasu raṁjillam̐jesi māḍalāḍegŏrage
sanavusesugŏni sarusam̐ gūrsuṁṭini
(||ela||)
muṁchinanīmŏgamoḍamulu dīrisegŏrage
vaṁchanado nīyiṁṭigi vachchidi nenu
kŏṁchinanīmeniyaḽugulu mānibegŏrage
aṁchĕlam̐ baigŏṁṭi nīgaṁṭĕ muṁdu nenu
(||ela||)
sesinanīsedam̐lĕllā jĕllam̐bĕṭṭeḍigŏrage
mūsi diṁchi kām̐giliṁchi mŏkkidi nīgu
vāsula śhrīveṁkaḍeśha valabum̐rem̐segŏrage
rāsigĕkki nīgichchagurāla naidi nenu