ఏల చెప్పేవు నీ సుద్దులు యెందాఁకా మాతోను
(॥పల్లవి॥)
ఏల చెప్పేవు నీ సుద్దులు యెందాఁకా మాతోను
పాలుమాల కింతలోనే బమ్మచారివైతివి
(॥ఏల॥)
ఎలమి గొల్లెతలను యిన్నాళ్ళు పొంది పొంది
తొలఁగి మధురలోన దొరవైతివి
కొలఁది ఆవులఁగాచి గొల్లవాఁడవై యుండి
వలవంత నేఁడు రాచవాఁడవైతివి
(॥ఏల॥)
వేడుకలకింటింట వెన్నదొంగిలి నేఁడు
ఆడ ద్వారకలో సోమయాజివైతివి
వోడక రుక్మిణీ దేవి నూరకే యెత్తుకవచ్చి
పాడితోనగ్రపూజకు పాత్రుఁడవైతివి
(॥ఏల॥)
రక్కసుల కాఁపురాలు రచ్చలకెక్కఁ జెరిచి
పెక్కుధర్మాలు నిలిపి పెద్దవైతివి
చిక్కువాసి నన్నుఁగూడి శ్రీ వేంకటాద్రి మీఁద
దిక్కుల నిందరిపాలి దేవరవునైతివి
(||pallavi||)
ela sĕppevu nī suddulu yĕṁdām̐kā mādonu
pālumāla kiṁtalone bammasārivaidivi
(||ela||)
ĕlami gŏllĕdalanu yinnāḽḽu pŏṁdi pŏṁdi
tŏlam̐gi madhuralona dŏravaidivi
kŏlam̐di āvulam̐gāsi gŏllavām̐ḍavai yuṁḍi
valavaṁta nem̐ḍu rāsavām̐ḍavaidivi
(||ela||)
veḍugalagiṁṭiṁṭa vĕnnadŏṁgili nem̐ḍu
āḍa dvāragalo somayājivaidivi
voḍaga rukmiṇī devi nūrage yĕttugavachchi
pāḍidonagrabūjagu pātrum̐ḍavaidivi
(||ela||)
rakkasula kām̐purālu rachchalagĕkkam̐ jĕrisi
pĕkkudharmālu nilibi pĕddavaidivi
sikkuvāsi nannum̐gūḍi śhrī veṁkaḍādri mīm̐da
dikkula niṁdaribāli devaravunaidivi