(॥పల్లవి॥)
ఏల సమకొను సుకృత మెల్ల వారికి మహా-
మాలిన్యమున నాత్మ మాసినది గాన
(॥ఏల॥)
కలికాలదోషంబు కడవరానిది గాన
తలఁపుదురితముల కాధారంబు గాన
బలుపూర్వకర్మములు పట్టరానివి గాన
మలమూత్రజన్మంబు మదకరము గాన
(॥ఏల॥)
రాఁపైనగుణవికారములు బహళము గాన
ఆఁపరానివి యింద్రియంబు లటుగాన
దాఁపరంబగుమమత దయదలంపదు గాన
కాఁపురముచే నా కప్పుకొనుఁ గాన
(॥ఏల॥)
హృదయంబు చంచలం బిరవుగానదు గాన
చదువు బహుమార్గములఁ జాటు నటుగాన
యెదురనుండెడు వేంకట్వేరునినిజమైన-
పదముపై కోరికలు పైకొనపు గాన
(||pallavi||)
ela samagŏnu sukṛta mĕlla vārigi mahā-
mālinyamuna nātma māsinadi gāna
(||ela||)
kaligāladoṣhaṁbu kaḍavarānidi gāna
talam̐puduridamula kādhāraṁbu gāna
balubūrvagarmamulu paṭṭarānivi gāna
malamūtrajanmaṁbu madagaramu gāna
(||ela||)
rām̐painaguṇavigāramulu bahaḽamu gāna
ām̐parānivi yiṁdriyaṁbu laḍugāna
dām̐paraṁbagumamada dayadalaṁpadu gāna
kām̐puramuse nā kappugŏnum̐ gāna
(||ela||)
hṛdayaṁbu saṁchalaṁ biravugānadu gāna
saduvu bahumārgamulam̐ jāḍu naḍugāna
yĕduranuṁḍĕḍu veṁkaṭveruninijamaina-
padamubai korigalu paigŏnabu gāna