(॥పల్లవి॥)
ఏల రాఁడమ్మ యింతిరో వాఁ-
డేల రాఁడమ్మ నన్నేలినవాఁడు
(॥ఏల॥)
పచ్చని పులుగుల బండిమీఁద నుండు-
పచ్చవింటి పిన్నబాలుని తండ్రి
పచ్చనిచాయలఁ బాయని బంగారు-
పచ్చడము గట్టి బాగైనవాఁడు
(॥ఏల॥)
తెల్లని పులుగుపైఁ దిరుగ మరిగినట్టి-
తెల్లని సతిపాలి దేవరతండ్రి
తెల్లని పరపుపైఁ దేలిపొరలు వెట్టు-
తెల్లని కన్నుల తెలివైనవాఁడు
(॥ఏల॥)
కొండవింటివాని గుత్తగొనిన యట్టి-
కొండుక పాయపుఁ గూఁతురుతండ్రి
కొండలరాయఁడు కోనేటి తిమ్మయ్య
కొండ తలనెత్తి గుఱుతైనవాఁడు
(||pallavi||)
ela rām̐ḍamma yiṁtiro vām̐-
ḍela rām̐ḍamma nannelinavām̐ḍu
(||ela||)
pachchani pulugula baṁḍimīm̐da nuṁḍu-
pachchaviṁṭi pinnabāluni taṁḍri
pachchanisāyalam̐ bāyani baṁgāru-
pachchaḍamu gaṭṭi bāgainavām̐ḍu
(||ela||)
tĕllani pulugubaim̐ diruga mariginaṭṭi-
tĕllani sadibāli devaradaṁḍri
tĕllani parabubaim̐ delibŏralu vĕṭṭu-
tĕllani kannula tĕlivainavām̐ḍu
(||ela||)
kŏṁḍaviṁṭivāni guttagŏnina yaṭṭi-
kŏṁḍuga pāyabum̐ gūm̐turudaṁḍri
kŏṁḍalarāyam̐ḍu koneḍi timmayya
kŏṁḍa talanĕtti guṟudainavām̐ḍu