(॥పల్లవి॥)
ఏల నీకు నీవే పతినింత సేసేవే
మేలు మీఁదనుండితేనే మెచ్చవచ్చుఁ గాక
(॥ఏల॥)
మచ్చిక చుట్టాలైతే మర్మాలెత్తుదురా
యిచ్చకములాడితేనే యింపులుగాక
తచ్చి నీరు వేఁడైతే తామర వోరుచునా
చెచ్చెరఁ జల్లనైవుంటేఁ జెంగలించుఁ గాక
(॥ఏల॥)
వొడఁబాటు గలవారు వొచ్చము పట్టుదురా
ఆడరి సరసమాడేదందముగాక
బెడసి కూడు వేఁడైతే పెదవులోరుచునా
జడిసీ దగు పాటైతేఁ జవి వుట్టఁ గాక
(॥ఏల॥)
కౌఁగిటఁ గడినవారు కడమ వెట్టుదురా
వీఁగక పెనఁగితేనే వేడుక గాక
ఆఁగెను నిన్నురముపైనట్టె శ్రీ వేంకటేశుఁడు
వేఁగా తీగెకుఁగాయ వినోదమేకాక
(||pallavi||)
ela nīgu nīve padiniṁta seseve
melu mīm̐danuṁḍidene mĕchchavachchum̐ gāga
(||ela||)
machchiga suṭṭālaide marmālĕttudurā
yichchagamulāḍidene yiṁpulugāga
tachchi nīru vem̐ḍaide tāmara vorusunā
sĕchchĕram̐ jallanaivuṁṭem̐ jĕṁgaliṁchum̐ gāga
(||ela||)
vŏḍam̐bāḍu galavāru vŏchchamu paṭṭudurā
āḍari sarasamāḍedaṁdamugāga
bĕḍasi kūḍu vem̐ḍaide pĕdavulorusunā
jaḍisī dagu pāḍaidem̐ javi vuṭṭam̐ gāga
(||ela||)
kaum̐giḍam̐ gaḍinavāru kaḍama vĕṭṭudurā
vīm̐gaga pĕnam̐gidene veḍuga gāga
ām̐gĕnu ninnuramubainaṭṭĕ śhrī veṁkaḍeśhum̐ḍu
vem̐gā tīgĕgum̐gāya vinodamegāga