ఏల మమ్ముఁ దడవేవు యింకానయ్య
(॥పల్లవి॥)
ఏల మమ్ముఁ దడవేవు యింకానయ్య
యేలితివి నాఁడెనాఁడె యెరుఁగుదుమయ్యా
(॥ఏల॥)
చిత్తములో చింతలెక్కి చిగురులు గోసేవారు
అత్తి నిన్ను వెదకేరు అదిగోవయ్య
వౌత్తిలి నవ్వులు నవ్వి వొడుళ్ళు నించేవారు
బత్తులు సేసేరు నీకుఁ బైకొనవయ్యా
(॥ఏల॥)
మించులమాటల మంద మిరియాలు చల్లేవారు
అంచుల నిన్నుఁబిలిచేరాలకించవయ్య
పొంచి నీతో జాళెలేక బొమ్మరాలు వేసేవారు
ముంచి చేతులు చాఁచేరు మొగిఁజూడవయ్యా
(॥ఏల॥)
తోడనెసరెత్తి లేళ్ళఁ దోలేటియట్టివారు
యీడనే విందులు చెప్పేరియ్యకోవయ్య
కూడితి శ్రీవెంకటేశ గొబ్బున నిదె నేఁడు
వాడికెగా కొంతగొంత వారిమెచ్చవయ్యా
(||pallavi||)
ela mammum̐ daḍavevu yiṁkānayya
yelidivi nām̐ḍĕnām̐ḍĕ yĕrum̐gudumayyā
(||ela||)
sittamulo siṁtalĕkki sigurulu gosevāru
atti ninnu vĕdageru adigovayya
vauttili navvulu navvi vŏḍuḽḽu niṁchevāru
battulu seseru nīgum̐ baigŏnavayyā
(||ela||)
miṁchulamāḍala maṁda miriyālu sallevāru
aṁchula ninnum̐biliserālagiṁchavayya
pŏṁchi nīdo jāḽĕlega bŏmmarālu vesevāru
muṁchi sedulu sām̐seru mŏgim̐jūḍavayyā
(||ela||)
toḍanĕsarĕtti leḽḽam̐ doleḍiyaṭṭivāru
yīḍane viṁdulu sĕpperiyyagovayya
kūḍidi śhrīvĕṁkaḍeśha gŏbbuna nidĕ nem̐ḍu
vāḍigĕgā kŏṁtagŏṁta vārimĕchchavayyā