ఏల కొనఁబెట్టేవే యెందాఁకా మాటలు
(॥పల్లవి॥)
ఏల కొనఁబెట్టేవే యెందాఁకా మాటలు
నాలితో వండిన కూడు ననుఁబాయే కాదా
(॥ఏల॥)
పెక్కువనితలమీఁది ప్రియము గలవానికి
యెక్కడిది మోహము నీవేమి చెప్పేవే
వొక్కమాఁటె సారెసారెనొట్టుకొని చవిగొంటే
మొక్కలానఁ బంచదార మొగచాటుగాదా
(॥ఏల॥)
గాఁటపుసతులఁబొంది కాయాటైన వానికి
యేఁటికిఁ గరఁగీ గుండె యెమిచెప్పేవే
మేఁటియై మేనినిండా మితిలేక పెట్టుకొంటే
నీఁటున బంగారైన నిండా వేఁగుగాదా
(॥ఏల॥)
ఊరఁ జుట్టపు శ్రీ వేంకటోత్తముఁడైనవానికి
యేరీతిఁ దమిరేగీనేమి చెప్పేవే
యీరీతి నన్నునేలె యింకాఁ గొసరితేను
పేరఁబెట్టితే పాలు పెరుగేకాదా
(||pallavi||)
ela kŏnam̐bĕṭṭeve yĕṁdām̐kā māḍalu
nālido vaṁḍina kūḍu nanum̐bāye kādā
(||ela||)
pĕkkuvanidalamīm̐di priyamu galavānigi
yĕkkaḍidi mohamu nīvemi sĕppeve
vŏkkamām̐ṭĕ sārĕsārĕnŏṭṭugŏni savigŏṁṭe
mŏkkalānam̐ baṁchadāra mŏgasāḍugādā
(||ela||)
gām̐ṭabusadulam̐bŏṁdi kāyāḍaina vānigi
yem̐ṭigim̐ garam̐gī guṁḍĕ yĕmisĕppeve
mem̐ṭiyai meniniṁḍā midilega pĕṭṭugŏṁṭe
nīm̐ṭuna baṁgāraina niṁḍā vem̐gugādā
(||ela||)
ūram̐ juṭṭabu śhrī veṁkaḍottamum̐ḍainavānigi
yerīdim̐ damiregīnemi sĕppeve
yīrīdi nannunelĕ yiṁkām̐ gŏsaridenu
peram̐bĕṭṭide pālu pĕrugegādā