(॥పల్లవి॥)
ఎక్కువకులజుఁడైన హీనకులజుఁడైన
నిక్కమెరిఁగిన మహానిత్యుఁడే ఘనుఁడు
(॥ఎక్కువ॥)
వేదములు చదివియును విముఖుఁడై హరిభక్తి
యాచరించని సోమయాజికంటె
యేదియునులేని కులహీనుఁడైనను విష్ణు_
పాదములు సేవించు భక్తుఁడే ఘనుడు
(॥ఎక్కువ॥)
పరమగువేదాంతపఠన దొరికియు సదా
హరిభక్తిలేని సన్యాసికంటె
సరవి మాలిన యంత్యజాతికులజుఁడైన_
నరసి విష్ణునివెదకు నాతఁడే ఘనుఁడు
(॥ఎక్కువ॥)
వినియుఁ జదివియును శ్రీ విభునిదాసుఁడుగాక
తనువు వేఁపుచునుండుతపసికంటె
యెనలేని శ్రీవేంకటేశుప్రసాదాన్న_
మనుభవించినయాతఁ డప్పుడే ఘనుడు
(||pallavi||)
ĕkkuvagulajum̐ḍaina hīnagulajum̐ḍaina
nikkamĕrim̐gina mahānityum̐ḍe ghanum̐ḍu
(||ĕkkuva||)
vedamulu sadiviyunu vimukhum̐ḍai haribhakti
yāsariṁchani somayājigaṁṭĕ
yediyunuleni kulahīnum̐ḍainanu viṣhṇu̮
pādamulu seviṁchu bhaktum̐ḍe ghanuḍu
(||ĕkkuva||)
paramaguvedāṁtabaṭhana dŏrigiyu sadā
haribhaktileni sanyāsigaṁṭĕ
saravi mālina yaṁtyajādigulajum̐ḍaina̮
narasi viṣhṇunivĕdagu nādam̐ḍe ghanum̐ḍu
(||ĕkkuva||)
viniyum̐ jadiviyunu śhrī vibhunidāsum̐ḍugāga
tanuvu vem̐pusunuṁḍudabasigaṁṭĕ
yĕnaleni śhrīveṁkaḍeśhuprasādānna̮
manubhaviṁchinayādam̐ ḍappuḍe ghanuḍu