ఎక్కడిమతము లింక నేమి సోదించేము నేము
(॥పల్లవి॥)
ఎక్కడిమతము లింక నేమి సోదించేము నేము
తక్కక శ్రీపతి నీవే దయఁజూతు గాక
(॥ఎక్క॥)
కాదనఁగ నెట్టువచ్చు కన్నులెదిటి లోకము
లేదనఁగ నెట్టువచ్చు లీలకర్మము
నీదాసుఁడ ననుచు నీమరఁగు చొచ్చుకొంటే
యేదెసనైనాఁ బెట్టి యీడేరింతు గాక
(॥ఎక్క॥)
తోయ నెట్టువచ్చు మించి తొలఁకేటి నీమాయ
పాయ నెట్టువచ్చుఁ యీభవబంధాలు
చేయార నిన్నుఁ బూజించి చేరి నీముద్రలు మోఁచి
యీయెడ నుండఁగా నీవే యీడేరింతు గాక
(॥ఎక్క॥)
తెలియఁగ నెట్టువచ్చు ద్రిష్టమైన నీమహిమ
తలచఁగ నెట్టువచ్చు తగు నీరూపు
నెలవై శ్రీవేంకటేశ నీవు గలవనుండఁగా
యిలఁమీద మమ్మునీవే యీడేరింతు గాక
(||pallavi||)
ĕkkaḍimadamu liṁka nemi sodiṁchemu nemu
takkaga śhrībadi nīve dayam̐jūdu gāga
(||ĕkka||)
kādanam̐ga nĕṭṭuvachchu kannulĕdiḍi logamu
ledanam̐ga nĕṭṭuvachchu līlagarmamu
nīdāsum̐ḍa nanusu nīmaram̐gu sŏchchugŏṁṭe
yedĕsanainām̐ bĕṭṭi yīḍeriṁtu gāga
(||ĕkka||)
toya nĕṭṭuvachchu miṁchi tŏlam̐keḍi nīmāya
pāya nĕṭṭuvachchum̐ yībhavabaṁdhālu
seyāra ninnum̐ būjiṁchi seri nīmudralu mom̐si
yīyĕḍa nuṁḍam̐gā nīve yīḍeriṁtu gāga
(||ĕkka||)
tĕliyam̐ga nĕṭṭuvachchu driṣhṭamaina nīmahima
talasam̐ga nĕṭṭuvachchu tagu nīrūbu
nĕlavai śhrīveṁkaḍeśha nīvu galavanuṁḍam̐gā
yilam̐mīda mammunīve yīḍeriṁtu gāga