(॥పల్లవి॥)
ఎక్కడికెక్కడి ఆస యేమి సేసేనే
యిక్కడ నాతో నవ్వె నిది యంత చాలదా
(॥ఎక్కడి॥)
కాయమంటిన నన్నునేలే కాఁగలించవలెనా
చాయల నన్నుఁ జూచినచాలదా యింత
మాయల వలపులేల మాపుదాఁకా జోలియాల
వేయిటికొక్కటే నన్ను విడువఁడు చాలదా
(॥ఎక్కడి॥)
వొంటినున్న నన్నుఁజేరి వొడియంటవలెనా
జంటయై మాటలాడినఁ జాలదా యింత
పెంటల సరసమేల బేసబెల్లితనమేల
తొంటిపొందే వొకలక్ష తోయలేఁడు చాలదా
(॥ఎక్కడి॥)
పలుమారు నాకునింత బాససేయవలెనా
అలపు దీరఁగఁ గూడెనంత చాలదా
చెలఁగి శ్రీ వెంకటేశుచేఁతలఁ బడఁగనేల
పలికినదే పంతము పచ్చిసేసెఁ జాలదా
(||pallavi||)
ĕkkaḍigĕkkaḍi āsa yemi sesene
yikkaḍa nādo navvĕ nidi yaṁta sāladā
(||ĕkkaḍi||)
kāyamaṁṭina nannunele kām̐galiṁchavalĕnā
sāyala nannum̐ jūsinasāladā yiṁta
māyala valabulela mābudām̐kā joliyāla
veyiḍigŏkkaḍe nannu viḍuvam̐ḍu sāladā
(||ĕkkaḍi||)
vŏṁṭinunna nannum̐jeri vŏḍiyaṁṭavalĕnā
jaṁṭayai māḍalāḍinam̐ jāladā yiṁta
pĕṁṭala sarasamela besabĕllidanamela
tŏṁṭibŏṁde vŏgalakṣha toyalem̐ḍu sāladā
(||ĕkkaḍi||)
palumāru nāguniṁta bāsaseyavalĕnā
alabu dīram̐gam̐ gūḍĕnaṁta sāladā
sĕlam̐gi śhrī vĕṁkaḍeśhusem̐talam̐ baḍam̐ganela
paliginade paṁtamu pachchisesĕm̐ jāladā