ఎక్కడిదిఁకఁ బరిణామము యీమదనానలమునఁ బ్రియ
(॥పల్లవి॥)
ఎక్కడిదిఁకఁ బరిణామము యీమదనానలమునఁ బ్రియ-
మెక్కుడు దోఁపఁగ ధైర్యంబింతయుఁ దీరెడిని
(॥ఎక్కడి॥)
మనసునఁదలఁచినతలఁపులు మాటల వెడలఁగ నాడిన
గొనకొని కన్నుల నీళ్ళు గుత్తుకవట్టెడిని
కనుఁగవ చూచినచూపులు కౌఁగిటఁ జేర్పఁగఁ బోయిన
పనివడి హృదయంబంతయుఁ బరవశమయ్యెడిని
(॥ఎక్కడి॥)
తనువున నాటినమాటలు తప్పక మతిఁ జింతించిన
అనువుగనది పరితాపంబై పెరరేఁ పెడిని
వెనకదినంబుల కూటమి వేడుకలని తలపోసిన
పెనగొన పూఁటకుఁ బూటకు ప్రేమము పెరిగెడిని
(॥ఎక్కడి॥)
తిరువేంకటగిరినాథుని దేవోత్తముఁ గూడిన మది
యెరగొని దేహవికారములెరవై తోఁపెడిని
పరమాత్మునికరుణారస పానము సేసిన జిహ్వకు
అరుదుగ నితరపదార్థములన్నియు రోసెడిని
(||pallavi||)
ĕkkaḍidim̐kam̐ bariṇāmamu yīmadanānalamunam̐ briya-
mĕkkuḍu dom̐pam̐ga dhairyaṁbiṁtayum̐ dīrĕḍini
(||ĕkkaḍi||)
manasunam̐dalam̐sinadalam̐pulu māḍala vĕḍalam̐ga nāḍina
gŏnagŏni kannula nīḽḽu guttugavaṭṭĕḍini
kanum̐gava sūsinasūbulu kaum̐giḍam̐ jerbam̐gam̐ boyina
panivaḍi hṛdayaṁbaṁtayum̐ baravaśhamayyĕḍini
(||ĕkkaḍi||)
tanuvuna nāḍinamāḍalu tappaga madim̐ jiṁtiṁchina
anuvuganadi paridābaṁbai pĕrarem̐ pĕḍini
vĕnagadinaṁbula kūḍami veḍugalani talabosina
pĕnagŏna pūm̐ṭagum̐ būḍagu premamu pĕrigĕḍini
(||ĕkkaḍi||)
tiruveṁkaḍagirināthuni devottamum̐ gūḍina madi
yĕragŏni dehavigāramulĕravai tom̐pĕḍini
paramātmunigaruṇārasa pānamu sesina jihvagu
aruduga nidarabadārdhamulanniyu rosĕḍini