ఎక్కడిది వివేక మెంతవారికిని యిన్నియు నీమాయఁ దోయక లేదు
(॥పల్లవి॥)
ఎక్కడిది వివేక మెంతవారికిని యిన్నియు నీమాయఁ దోయక లేదు
పక్కన అజ్ఞానపుజీవుల యీపాప మిట్లనే వుండఁగను
(॥ఎక్క॥)
విచ్చనవిడి నటు కౌరవులెదుటను విశ్వరూపు చూపినయపుడు
యిచ్చల నిను నమ్మఁగలేకేకా యింద్రజాలమనిరి
తచ్చన నిప్పటి నాస్తికజనులును తగు నీ సాకారము చూచి
నిచ్చలుఁ గల్లని నిరాకారము నిజమని తర్కించక మానుదురా
(॥ఎక్క॥)
గరుడవాహనము శంఖచక్రములు కనియుండియు ద్వాపరజనులు
ధరలో నిను హరిమూ ర్తెని తెలియక తమయాదవుఁ డొకఁ డితఁడనిరి
సరుస దేవతాంతరములఁ గొలిచేటి చంచలచిత్తులు ఇఁక నిన్నే
పరదైవం బననేరరు సరిగా బ్రహ్మాదులలో నొకఁడవందురు
(॥ఎక్క॥)
యెఱిఁగిన దాసులు యెఱుఁగుదురు నీ వెక్కుడనుచు యేకాలమును
యెఱఁగని పామరు లెఱఁగరు నిను మతినెంతైనా నాఁడు నేఁడును
తఱితో శ్రీవేంకటేశ్వర నినుఁ గని తగు శరణాగతులున్నట్లు
మఱుఁగున నుండిన ప్రాకృతులకు నీమహిమలు గానఁగఁ దరమవునా
(||pallavi||)
ĕkkaḍidi vivega mĕṁtavārigini yinniyu nīmāyam̐ doyaga ledu
pakkana ajñānabujīvula yībāba miṭlane vuṁḍam̐ganu
(||ĕkka||)
vichchanaviḍi naḍu kauravulĕduḍanu viśhvarūbu sūbinayabuḍu
yichchala ninu nammam̐galegegā yiṁdrajālamaniri
tachchana nippaḍi nāstigajanulunu tagu nī sāgāramu sūsi
nichchalum̐ gallani nirāgāramu nijamani targiṁchaga mānudurā
(||ĕkka||)
garuḍavāhanamu śhaṁkhasakramulu kaniyuṁḍiyu dvābarajanulu
dharalo ninu harimū rdĕni tĕliyaga tamayādavum̐ ḍŏgam̐ ḍidam̐ḍaniri
sarusa devadāṁtaramulam̐ gŏliseḍi saṁchalasittulu im̐ka ninne
paradaivaṁ bananeraru sarigā brahmādulalo nŏgam̐ḍavaṁduru
(||ĕkka||)
yĕṟim̐gina dāsulu yĕṟum̐guduru nī vĕkkuḍanusu yegālamunu
yĕṟam̐gani pāmaru lĕṟam̐garu ninu madinĕṁtainā nām̐ḍu nem̐ḍunu
taṟido śhrīveṁkaḍeśhvara ninum̐ gani tagu śharaṇāgadulunnaṭlu
maṟum̐guna nuṁḍina prākṛtulagu nīmahimalu gānam̐gam̐ daramavunā