ఎక్కడి సుద్దు లేలె యిది గొంతా
(॥పల్లవి॥)
ఎక్కడి సుద్దు లేలె యిది గొంతా
చిక్కితి నీ పాలను విచ్చేయవయ్య లోనికి
(॥ఎక్క॥)
చింతలేక నీకు నీవె సేసిన సేఁతలకును
యెంత నేము దూరినా నీకేఁటి వెరపు
చింతించ నీ కేఁటికి చెక్కుచేయి యేఁటికి
వింతవార లిదిగంటే వేసా లనరా
(॥ఎక్క॥)
దెప్పరాన నీవు లోలోఁ దిరిగే తిమ్మటలకు
యిప్పటి మా యలుకలు యేడ కెక్కును
రెప్ప లెత్తి చూచేవు రేసువడి యున్నాఁడవు
యిప్పటి నీజాడలెల్లా యెగసక్కే లనరా
(॥ఎక్క॥)
కదిసి నీ మేనను కల్ల లెన్ని దోఁచినాను
యెదుట నున్నాఁడవు నిన్నే మనేము
అదన శ్రీవెంకటేశ అట్టె నన్నుఁ గూడితివి
చదురుఁడ విన్నిటిను జాణవు నీ వనరా
(||pallavi||)
ĕkkaḍi suddu lelĕ yidi gŏṁtā
sikkidi nī pālanu vichcheyavayya lonigi
(||ĕkka||)
siṁtalega nīgu nīvĕ sesina sem̐talagunu
yĕṁta nemu dūrinā nīgem̐ṭi vĕrabu
siṁtiṁcha nī kem̐ṭigi sĕkkuseyi yem̐ṭigi
viṁtavāra lidigaṁṭe vesā lanarā
(||ĕkka||)
dĕpparāna nīvu lolom̐ dirige timmaḍalagu
yippaḍi mā yalugalu yeḍa kĕkkunu
rĕppa lĕtti sūsevu resuvaḍi yunnām̐ḍavu
yippaḍi nījāḍalĕllā yĕgasakke lanarā
(||ĕkka||)
kadisi nī menanu kalla lĕnni dom̐sinānu
yĕduḍa nunnām̐ḍavu ninne manemu
adana śhrīvĕṁkaḍeśha aṭṭĕ nannum̐ gūḍidivi
sadurum̐ḍa vinniḍinu jāṇavu nī vanarā