ఎక్కడి పుట్టుగ లిఁక నెక్కడి మరణములు
(॥పల్లవి॥)
ఎక్కడి పుట్టుగ లిఁక నెక్కడి మరణములు
మిక్కిలి నీ ముద్రలు నా మేననున్న వివిగో
(॥ఎక్క॥)
కెరల పాపములకుఁ గెరల కర్మములకు
హరి నీ నామము నోరనంటితేఁ జాలు
నరకములేమి సేసు నా నేరమేమిసేసు
నిరతి నా మతిలోన నీ వుండఁగాను
(॥ఎక్క॥)
చిక్క నింద్రియములకు చిక్కను బంధములకు
చొక్కి హరి నీ మఱఁగు చొచ్చితిఁ జాలు
మొక్కనేలే యెవ్వరికి మొరవెట్ట నేమిటికి
నిక్కపు మా యిలువేల్పు నీవై వుండఁగా
(॥ఎక్క॥)
దగ్గరవు మాయలింక దగ్గరవు దుర్గుణాలు
నిగ్గుల శ్రీవేంకటేశ నీవు గల్గఁగా
యెగ్గులేదు తగ్గులేదు యిఁక నీదాసులలోన
వుగ్గువలె నీప్రసాద మూనినది వొడల
(||pallavi||)
ĕkkaḍi puṭṭuga lim̐ka nĕkkaḍi maraṇamulu
mikkili nī mudralu nā menanunna vivigo
(||ĕkka||)
kĕrala pābamulagum̐ gĕrala karmamulagu
hari nī nāmamu noranaṁṭidem̐ jālu
naragamulemi sesu nā neramemisesu
niradi nā madilona nī vuṁḍam̐gānu
(||ĕkka||)
sikka niṁdriyamulagu sikkanu baṁdhamulagu
sŏkki hari nī maṟam̐gu sŏchchidim̐ jālu
mŏkkanele yĕvvarigi mŏravĕṭṭa nemiḍigi
nikkabu mā yiluvelbu nīvai vuṁḍam̐gā
(||ĕkka||)
daggaravu māyaliṁka daggaravu durguṇālu
niggula śhrīveṁkaḍeśha nīvu galgam̐gā
yĕgguledu tagguledu yim̐ka nīdāsulalona
vugguvalĕ nīprasāda mūninadi vŏḍala