ఎక్కడి మానుషజన్మం బెత్తిన ఫలమే మున్నది
(॥పల్లవి॥)
ఎక్కడి మానుషజన్మం బెత్తిన ఫలమే మున్నది
నిక్కము నిన్నే నమ్మితి నీ చిత్తం బిఁకనూ
(॥ఎక్కడి॥)
మఱవను ఆహారంబును మఱవను సంసారసుఖము
మఱవను యింద్రియభోగము మాధవ నీ మాయా
మఱచెద సుజ్ఞానంబును మఱచెద తత్వరహస్యము
మఱచెద నురువును దైవము మాధవ నీ మాయా
(॥ఎక్కడి॥)
విడువనుఁ బాపము పుణ్యము విడువను నా దుర్గుణములు
విడువను మిక్కిలి యాసలు విష్ణుఁడ నీ మాయా
విడిచెద షట్కర్మంబులు విడిచెద వైరాగ్యంబును
విడిచెద నాచారంబును విష్ణుఁడ నీ మాయా
(॥ఎక్కడి॥)
తగిలెద బహులంపటముల తగిలెద బహుబంధంబుల
తగులను మోక్షపుమార్గము తలఁపున యెంతైనా
అగపడి శ్రీ వేంకటేశ్వర అంతర్యామివై
నగి నగి నను నీ వేలితి నాకా యీ మాయా
(||pallavi||)
ĕkkaḍi mānuṣhajanmaṁ bĕttina phalame munnadi
nikkamu ninne nammidi nī sittaṁ bim̐kanū
(||ĕkkaḍi||)
maṟavanu āhāraṁbunu maṟavanu saṁsārasukhamu
maṟavanu yiṁdriyabhogamu mādhava nī māyā
maṟasĕda sujñānaṁbunu maṟasĕda tatvarahasyamu
maṟasĕda nuruvunu daivamu mādhava nī māyā
(||ĕkkaḍi||)
viḍuvanum̐ bābamu puṇyamu viḍuvanu nā durguṇamulu
viḍuvanu mikkili yāsalu viṣhṇum̐ḍa nī māyā
viḍisĕda ṣhaṭkarmaṁbulu viḍisĕda vairāgyaṁbunu
viḍisĕda nāsāraṁbunu viṣhṇum̐ḍa nī māyā
(||ĕkkaḍi||)
tagilĕda bahulaṁpaḍamula tagilĕda bahubaṁdhaṁbula
tagulanu mokṣhabumārgamu talam̐puna yĕṁtainā
agabaḍi śhrī veṁkaḍeśhvara aṁtaryāmivai
nagi nagi nanu nī velidi nāgā yī māyā