(॥పల్లవి॥)
ఎక్కడనున్నాఁ బోదు యేతులైనఁ బోనీదు
వొక్కటి కొక్క బంధము వూహింప నెక్కుడు
(॥ఎక్క॥)
బుడిబుడి మాయలఁ బొరలేటి దేహికి
కడవరాని బంధము కాంతలు
యెడపడ కందుకంటే నెక్కుడైన బంధము
కడునాసఁ బొరలించు కనకము
(॥ఎక్క॥)
బాలులకు వృద్ధులకు పాయపు వివేకులకు
తేలించే బంధములు దినరుచులు
మూలనున్నాఁ బోనీదు ముంగిటనే వేసేది
వేళ గాచిన బంధము విద్యాగర్వము
(॥ఎక్క॥)
పాయ దేజంతువులైనాఁ బశుపక్షులకునైనా
బాయటి గీముల కట్టుఁబాటు బంధము
యేయెడ శ్రీవేంకటేశ ఇంక నీదాసులకైతే
చాయై చెప్పినట్టు సేసు సకలబంధములు
(||pallavi||)
ĕkkaḍanunnām̐ bodu yedulainam̐ bonīdu
vŏkkaḍi kŏkka baṁdhamu vūhiṁpa nĕkkuḍu
(||ĕkka||)
buḍibuḍi māyalam̐ bŏraleḍi dehigi
kaḍavarāni baṁdhamu kāṁtalu
yĕḍabaḍa kaṁdugaṁṭe nĕkkuḍaina baṁdhamu
kaḍunāsam̐ bŏraliṁchu kanagamu
(||ĕkka||)
bālulagu vṛddhulagu pāyabu vivegulagu
teliṁche baṁdhamulu dinarusulu
mūlanunnām̐ bonīdu muṁgiḍane vesedi
veḽa gāsina baṁdhamu vidyāgarvamu
(||ĕkka||)
pāya dejaṁtuvulainām̐ baśhubakṣhulagunainā
bāyaḍi gīmula kaṭṭum̐bāḍu baṁdhamu
yeyĕḍa śhrīveṁkaḍeśha iṁka nīdāsulagaide
sāyai sĕppinaṭṭu sesu sagalabaṁdhamulu