(॥పల్లవి॥)
ఎక్కడఁ జూచినఁ దానై యీతఁడున్నాఁడు
వెక్కసపు మనపాలి విష్ణుదేవుఁడు
(॥ఎక్క॥)
చూడరె పదారువేలు సొరిది యిండ్లలోన
వేడుక నన్నిరూపులై విఱ్ఱవీఁగీని
జాడతో దేవతలకు జలనిధి దచ్చి తచ్చి
పాడితోడ నమృతము పంచిపెట్టీని
(॥ఎక్క॥)
మొక్కరె రేపల్లెలోన ముంచి యాలమందలలో
నక్కడ గోపాలులతో నాటలాడీని
దిక్కులు సాధించి తనదేవుల నండఁ బెట్టుక
రెక్కల గుఱ్ఱముపై పేరెముదోలీని
(॥ఎక్క॥)
సేవలెల్లాఁ జేయరె శ్రీవెంకటాద్రిమీఁద
వావిరి నందరికిని వరాలిచ్చీని
ఆవల నీవలఁ దానె అంతరాత్మ యిందరికి
భావాలలోన విశ్వరూపముచూపీని
(||pallavi||)
ĕkkaḍam̐ jūsinam̐ dānai yīdam̐ḍunnām̐ḍu
vĕkkasabu manabāli viṣhṇudevum̐ḍu
(||ĕkka||)
sūḍarĕ padāruvelu sŏridi yiṁḍlalona
veḍuga nannirūbulai viṭravīm̐gīni
jāḍado devadalagu jalanidhi dachchi tachchi
pāḍidoḍa namṛtamu paṁchibĕṭṭīni
(||ĕkka||)
mŏkkarĕ reballĕlona muṁchi yālamaṁdalalo
nakkaḍa gobālulado nāḍalāḍīni
dikkulu sādhiṁchi tanadevula naṁḍam̐ bĕṭṭuga
rĕkkala guṭramubai perĕmudolīni
(||ĕkka||)
sevalĕllām̐ jeyarĕ śhrīvĕṁkaḍādrimīm̐da
vāviri naṁdarigini varālichchīni
āvala nīvalam̐ dānĕ aṁtarātma yiṁdarigi
bhāvālalona viśhvarūbamusūbīni