ఎక్కడ చూచిన వీరే యింటింటి ముంగిటను
(॥పల్లవి॥)
ఎక్కడ చూచిన వీరే యింటింటి ముంగిటను
పెక్కుచేఁతలు సేసేరు పిలువరే బాలుల
(॥ఎక్క॥)
పిన్నవాఁడు కృష్ణుడు పెద్దవాడు రాముఁడు
వన్నె నిద్దరమడలవలె నున్నారు
వెన్నలు దొంగిలుదురు వీఁడు వాఁడు నొక్కటే
పన్నుగడై వచ్చినారు పట్టరే యీ బాలుల
(॥ఎక్క॥)
నల్లనివాఁడు కృష్ణుడు తెల్లనివాఁడు రాముఁడు
అల్లదివో జోడుకోడెలై వున్నారు
వెల్లవిరై తిరిగేరు వేరు లే దిద్దరికిని
పెల్లుగ యశోదవద్దఁ బెట్టరె యీబాలుల
(॥ఎక్క॥)
రోలఁ జిక్కె నొకఁడు రోకలి వట్టె నొకఁడు
పోలిక సరిబేసికిఁ బొంచి వున్నారు
మేలిమి శ్రీవేంకటాద్రి మించిరి తానే తానై
ఆలించి నె(యె?)వ్వరి నేమి ననకురే బాలుల
(||pallavi||)
ĕkkaḍa sūsina vīre yiṁṭiṁṭi muṁgiḍanu
pĕkkusem̐talu seseru piluvare bālula
(||ĕkka||)
pinnavām̐ḍu kṛṣhṇuḍu pĕddavāḍu rāmum̐ḍu
vannĕ niddaramaḍalavalĕ nunnāru
vĕnnalu dŏṁgiluduru vīm̐ḍu vām̐ḍu nŏkkaḍe
pannugaḍai vachchināru paṭṭare yī bālula
(||ĕkka||)
nallanivām̐ḍu kṛṣhṇuḍu tĕllanivām̐ḍu rāmum̐ḍu
alladivo joḍugoḍĕlai vunnāru
vĕllavirai tirigeru veru le diddarigini
pĕlluga yaśhodavaddam̐ bĕṭṭarĕ yībālula
(||ĕkka||)
rolam̐ jikkĕ nŏgam̐ḍu rogali vaṭṭĕ nŏgam̐ḍu
poliga saribesigim̐ bŏṁchi vunnāru
melimi śhrīveṁkaḍādri miṁchiri tāne tānai
āliṁchi nĕ(yĕ?)vvari nemi nanagure bālula