ఎక్కడ చొచ్చెడి దీభవమేదియుఁ గడపల గానము
(॥పల్లవి॥)
ఎక్కడ చొచ్చెడి దీభవమేదియుఁ గడపల గానము
వుక్కునఁ బరితాపానల మూదక మండెడివి
(॥ఎక్క॥)
హృదయవికారము మాన్పఁగ నేతెరఁగును సమకూడదు
మదనానందము చెరుపఁగ మందేమియు లేదు
పొదలినదేహగుణంబులఁ బోనడువఁగ గతి గానము
బ్రదికించినకోరికెలకుఁ బ్రాయము దిరిగినది
(॥ఎక్క॥)
కమలినయజ్ఞానం బిది కన్నులముందరఁ గానదు
తిమిరము పొదిగొని చూడ్కికి దెరువేమియు లేదు
తెమలనియాశాపాశము తెంపఁగ సత్వము చాలదు
మమకారము వెడలింపఁగ మతి యెప్పుడు లేదు
(॥ఎక్క॥)
దురితంబులు పుణ్యంబులు తొడిఁబడ నాత్మనుఁ బెనగొని
జరగఁగ శరీరధారికి సత్కర్మము లేదు
తిరువేంకటగిరిపతియగు దేవశిఖామణిపాదము
శరణని బ్రదుకుటదప్పను సన్మార్గము లేదు
(||pallavi||)
ĕkkaḍa sŏchchĕḍi dībhavamediyum̐ gaḍabala gānamu
vukkunam̐ baridābānala mūdaga maṁḍĕḍivi
(||ĕkka||)
hṛdayavigāramu mānpam̐ga nedĕram̐gunu samagūḍadu
madanānaṁdamu sĕrubam̐ga maṁdemiyu ledu
pŏdalinadehaguṇaṁbulam̐ bonaḍuvam̐ga gadi gānamu
bradigiṁchinagorigĕlagum̐ brāyamu diriginadi
(||ĕkka||)
kamalinayajñānaṁ bidi kannulamuṁdaram̐ gānadu
timiramu pŏdigŏni sūḍkigi dĕruvemiyu ledu
tĕmalaniyāśhābāśhamu tĕṁpam̐ga satvamu sāladu
mamagāramu vĕḍaliṁpam̐ga madi yĕppuḍu ledu
(||ĕkka||)
duridaṁbulu puṇyaṁbulu tŏḍim̐baḍa nātmanum̐ bĕnagŏni
jaragam̐ga śharīradhārigi satkarmamu ledu
tiruveṁkaḍagiribadiyagu devaśhikhāmaṇibādamu
śharaṇani braduguḍadappanu sanmārgamu ledu