ఎక్కడ పరాకు నీకు యిటు చిత్తగించరాదా
(॥పల్లవి॥)
ఎక్కడ పరాకు నీకు యిటు చిత్తగించరాదా
పక్కనఁ బిలిచితేఁ జాలు బత్తిగలదానికి
(॥ఎక్కడ॥)
కడనుండి రమణుఁడు కన్నులఁ జూచినఁజాలు
అడియాసఁ బొరలేటి ఆఁటదానికి
చిడిముడితోఁ గొంత సెలవుల నవ్వినఁ జాలు
యెడసియుండి రతులకేఁకరేటిదానికి
(॥ఎక్కడ॥)
మలసి మగఁడేపాటి మాటలాడినాఁ జాలు
చెలరేఁగి కడు వలచినదానికి
నెలకొని ముందట నిలుచుండినాఁ జాలు
సొలసి యెట్టుయెదురు చూచేటిదానికి
(॥ఎక్కడ॥)
ఇచ్చగించి నాయకుఁడు యింటికి వచ్చినాఁ జాలు
కచ్చుపెట్టి ప్రేమము గలదానికి
కొచ్చి శ్రీ వెంకటేశ కూడితివలమేల్మంగ
నిచ్చట నీవుంటేఁ జాలునింపుగలదానికి
(||pallavi||)
ĕkkaḍa parāgu nīgu yiḍu sittagiṁcharādā
pakkanam̐ bilisidem̐ jālu battigaladānigi
(||ĕkkaḍa||)
kaḍanuṁḍi ramaṇum̐ḍu kannulam̐ jūsinam̐jālu
aḍiyāsam̐ bŏraleḍi ām̐ṭadānigi
siḍimuḍidom̐ gŏṁta sĕlavula navvinam̐ jālu
yĕḍasiyuṁḍi radulagem̐kareḍidānigi
(||ĕkkaḍa||)
malasi magam̐ḍebāḍi māḍalāḍinām̐ jālu
sĕlarem̐gi kaḍu valasinadānigi
nĕlagŏni muṁdaḍa nilusuṁḍinām̐ jālu
sŏlasi yĕṭṭuyĕduru sūseḍidānigi
(||ĕkkaḍa||)
ichchagiṁchi nāyagum̐ḍu yiṁṭigi vachchinām̐ jālu
kachchubĕṭṭi premamu galadānigi
kŏchchi śhrī vĕṁkaḍeśha kūḍidivalamelmaṁga
nichchaḍa nīvuṁṭem̐ jāluniṁpugaladānigi