ఎక్కడ పరాకు నీకు నింతకంటె నేమున్నది
(॥పల్లవి॥)
ఎక్కడ పరాకు నీకు నింతకంటె నేమున్నది
చిక్కనాయఁ గోరికలు చిత్తగించవయ్యా
(॥ఎక్క॥)
సెలవినవ్వు చిందఁగాఁ జెక్కునఁ జేయివెట్టె
పులకపైరు పయ్యదఁ బొదిగ నిదె
కొలఁదిమీరె వయసు కొప్పు గట్టిగా ముడిచె
చెలియసింగారము చిత్తగించవయ్యా
(॥ఎక్క॥)
చిమ్ముఁజూపులు మీఱఁగా చెంపల గందాలు వూసె
ముమ్మరమై మేలు పోఁకముడి వేసెను
చెమ్మగిలె మోవితేనెఁ దమ్మరసములు నించె
చిమ్మిరేఁగె సొబగులు చిత్తగించవయ్యా
(॥ఎక్క॥)
చనుమొనల కడ్డము సరినిన్నుఁ గాఁగిలించె
ఘనమైనరతులను కళరేఁగెను
యెనసితివి శ్రీవేంకటేశ యీయింతిని నీవు
చెనకులమురిపెము చిత్తగించవయ్యా
(||pallavi||)
ĕkkaḍa parāgu nīgu niṁtagaṁṭĕ nemunnadi
sikkanāyam̐ gorigalu sittagiṁchavayyā
(||ĕkka||)
sĕlavinavvu siṁdam̐gām̐ jĕkkunam̐ jeyivĕṭṭĕ
pulagabairu payyadam̐ bŏdiga nidĕ
kŏlam̐dimīrĕ vayasu kŏppu gaṭṭigā muḍisĕ
sĕliyasiṁgāramu sittagiṁchavayyā
(||ĕkka||)
simmum̐jūbulu mīṟam̐gā sĕṁpala gaṁdālu vūsĕ
mummaramai melu pom̐kamuḍi vesĕnu
sĕmmagilĕ movidenĕm̐ dammarasamulu niṁchĕ
simmirem̐gĕ sŏbagulu sittagiṁchavayyā
(||ĕkka||)
sanumŏnala kaḍḍamu sarininnum̐ gām̐giliṁchĕ
ghanamainaradulanu kaḽarem̐gĕnu
yĕnasidivi śhrīveṁkaḍeśha yīyiṁtini nīvu
sĕnagulamuribĕmu sittagiṁchavayyā