chamkā ban kar aman kā tārā
prem kī dhartī deśh hamārā
jai jai hiṅdustān -3
aman ke duśhman jaṅg ke beṭe, bhūl gae har chāl
atom bomb se jā ṭakrāyā, vīr javāhar lāl
duniyā ne ek sāth pukārā, jai jai hiṅdustān
chamkā ban kar …
jaṅg ke hāthoṅ kitnī chūṛiyāṇ, hotī chaknā chūr
jal jātā bārūd meṅ kitne, māṇgoṅ kā siṅdūr
tujhse hai siṅgār hamārā, jai jai hiṅdustān
chamkā ban kar …
dhartī mātā jhūm rahī hai, bhūlī duniyā jaṅg
kyā pīle kyā gore kāle, mil gae tīnoṅ rṇg
jhaṅḍā ūṇchā rahe hamārā, jai jai hiṅdustān
chamkā ban kar …
