ఎగ్గు సిగ్గు దలఁచవు యేరా నీవు
(॥పల్లవి॥)
ఎగ్గు సిగ్గు దలఁచవు యేరా నీవు
వొగ్గుచు నిద్దరు సతులొద్దనె వుండఁగను
(॥ఎగ్గు॥)
కొనవేలు వట్టి యాకెఁ గూచుండఁబెట్టుకోఁగా
తనువిందువంకఁ గొంత తనిసెనా
పెనఁగి పాదాలు నాచేఁ బిసికించుకొనేవిదె
వనిత నీవద్దనుండి వలపు చల్లఁగను
(॥ఎగ్గు॥)
అప్పుడే వీఁపునఁ జన్నులానుకొంటా నాపెచేత
కొప్పు వెట్టించుకొనేవు కోరికాయనా
యిప్పుడే నాచెక్కు మోవనేకతములాడేవు
చిక్కించుక సతి నీపైఁ జేతులు చాఁచఁగను
(॥ఎగ్గు॥)
సంగతిగా నాపె తోడ జాణతనాలాడేవు
అంగవించి నేఁడు నీకు నాసవుట్టెనా
ముంగిట శ్రీ వేంకటేశ ముంచి నన్నుఁ గూడితివి
కంగక మగువ నీకుఁ గాచుకవుండఁగను
(||pallavi||)
ĕggu siggu dalam̐savu yerā nīvu
vŏggusu niddaru sadulŏddanĕ vuṁḍam̐ganu
(||ĕggu||)
kŏnavelu vaṭṭi yāgĕm̐ gūsuṁḍam̐bĕṭṭugom̐gā
tanuviṁduvaṁkam̐ gŏṁta tanisĕnā
pĕnam̐gi pādālu nāsem̐ bisigiṁchugŏnevidĕ
vanida nīvaddanuṁḍi valabu sallam̐ganu
(||ĕggu||)
appuḍe vīm̐punam̐ jannulānugŏṁṭā nābĕseda
kŏppu vĕṭṭiṁchugŏnevu korigāyanā
yippuḍe nāsĕkku movanegadamulāḍevu
sikkiṁchuga sadi nībaim̐ jedulu sām̐sam̐ganu
(||ĕggu||)
saṁgadigā nābĕ toḍa jāṇadanālāḍevu
aṁgaviṁchi nem̐ḍu nīgu nāsavuṭṭĕnā
muṁgiḍa śhrī veṁkaḍeśha muṁchi nannum̐ gūḍidivi
kaṁgaga maguva nīgum̐ gāsugavuṁḍam̐ganu