(॥పల్లవి॥)
ఎగసక్కేలు నేర్చిన యింతులము
తగవెరిఁగిన మంచితనమే మేలును
(॥ఎగ॥)
పందేలకు నీవు నాతో పగడసాలాడఁగాను
మందెమేళాన నేమైనా మాటాడుదుము
అందుకుఁగా నీవప్పుడారడిఁ బెట్టఁగవద్దు
ముందు ముందె దొరతనముననుంటే మేలును
(॥ఎగ॥)
తెగడి నీతోఁ బిల్లదీపులాడఁ బిలిచేవు
జిగిమించనేమైనాఁ జేతుము నిన్ను
వెగటుగా నీవప్పుడు వేసాలు సేయవద్దు
వొగి గుట్టు తోడ నూరకుండుటే మేలును
(॥ఎగ॥)
వడి సరసాన నాతో వానగుంటలాడఁగాను
బెడిదమై చెయివట్టి పెనఁగుదుము
కడఁగి శ్రీ వేంకటేశ కలిసితివి మాటకే
విడువక మాతోడి వేడుకలే మేలును
(||pallavi||)
ĕgasakkelu nersina yiṁtulamu
tagavĕrim̐gina maṁchidaname melunu
(||ĕga||)
paṁdelagu nīvu nādo pagaḍasālāḍam̐gānu
maṁdĕmeḽāna nemainā māḍāḍudumu
aṁdugum̐gā nīvappuḍāraḍim̐ bĕṭṭam̐gavaddu
muṁdu muṁdĕ dŏradanamunanuṁṭe melunu
(||ĕga||)
tĕgaḍi nīdom̐ billadībulāḍam̐ bilisevu
jigimiṁchanemainām̐ jedumu ninnu
vĕgaḍugā nīvappuḍu vesālu seyavaddu
vŏgi guṭṭu toḍa nūraguṁḍuḍe melunu
(||ĕga||)
vaḍi sarasāna nādo vānaguṁṭalāḍam̐gānu
bĕḍidamai sĕyivaṭṭi pĕnam̐gudumu
kaḍam̐gi śhrī veṁkaḍeśha kalisidivi māḍage
viḍuvaga mādoḍi veḍugale melunu