(॥పల్లవి॥)
ఏగతి నోఁచెనో యిందువదన యీ
బాగులు ఖేదముఁ బాపెడిని
(॥ఏగతి॥)
తొలఁకెడి జలములతోడికన్నుఁగవ
తలఁచి డెందము తలఁకీని
అలయుచుఁ జలితో నాడినమాటలు
పలికిన నామది భ్రమసీని
(॥ఏగతి॥)
తొడరిన చెమటలఁ దోఁగిన పయ్యెద
పొడగని దేహము పొగిలీని
ఉడికెటి వ్రేఁకపుటూర్పుల వేఁడికి
నుడిగిన నాలుక నొగిలీని
(॥ఏగతి॥)
కదిసిన తిరువేంకటపతి చేఁతలు
సుదతి విలాసము చూపెడిని
వదనము తావికి వలగొనుతేఁటుల
సదమద మగు రుతి చాటీని
(||pallavi||)
egadi nom̐sĕno yiṁduvadana yī
bāgulu khedamum̐ bābĕḍini
(||egadi||)
tŏlam̐kĕḍi jalamuladoḍigannum̐gava
talam̐si ḍĕṁdamu talam̐kīni
alayusum̐ jalido nāḍinamāḍalu
paligina nāmadi bhramasīni
(||egadi||)
tŏḍarina sĕmaḍalam̐ dom̐gina payyĕda
pŏḍagani dehamu pŏgilīni
uḍigĕḍi vrem̐kabuḍūrbula vem̐ḍigi
nuḍigina nāluga nŏgilīni
(||egadi||)
kadisina tiruveṁkaḍabadi sem̐talu
sudadi vilāsamu sūbĕḍini
vadanamu tāvigi valagŏnudem̐ṭula
sadamada magu rudi sāḍīni