ఈమాట విని నిన్ను నిందుకే నవ్వితి నేను
(॥పల్లవి॥)
ఈమాట విని నిన్ను నిందుకే నవ్వితి నేను
నేమమెంత నేమెంత నీ కరుణ యెంత
(॥ఈమా॥)
సకలకర్మము చేత సాధ్యముగాని నీవు
వొక ఇంచుకంత భక్తి కొగి లోనైతి
ప్రకటించి బహువేదపఠనఁ జిక్కని నీవు
మొకరివై తిరుమంత్రమునకుఁ జిక్కితివి
(॥ఈమా॥)
కోటిదానములచేత కోరి లోనుగాని నీవు
పాటించి శరణంటేనే పట్టి లోనైతి
మేటి వుగ్రతపముల మెచ్చి కైకొనని నీవు
గాటపుదాసులై తేనే కైకొని మన్నించితి
(॥ఈమా॥)
పెక్కుతీర్థములాడిన బేధించరాని నీవు
చొక్కి నీముద్రవారికి సులభుఁడవు
గక్కన దేవతలకుఁ గానరాని నీవు మాకు
నిక్కడ శ్రీవేంకటాద్రి నిరవైతివి
(||pallavi||)
īmāḍa vini ninnu niṁduge navvidi nenu
nemamĕṁta nemĕṁta nī karuṇa yĕṁta
(||īmā||)
sagalagarmamu seda sādhyamugāni nīvu
vŏga iṁchugaṁta bhakti kŏgi lonaidi
pragaḍiṁchi bahuvedabaṭhanam̐ jikkani nīvu
mŏgarivai tirumaṁtramunagum̐ jikkidivi
(||īmā||)
koḍidānamulaseda kori lonugāni nīvu
pāḍiṁchi śharaṇaṁṭene paṭṭi lonaidi
meḍi vugradabamula mĕchchi kaigŏnani nīvu
gāḍabudāsulai tene kaigŏni manniṁchidi
(||īmā||)
pĕkkudīrdhamulāḍina bedhiṁcharāni nīvu
sŏkki nīmudravārigi sulabhum̐ḍavu
gakkana devadalagum̐ gānarāni nīvu māgu
nikkaḍa śhrīveṁkaḍādri niravaidivi