ఈహీ శ్రీహరిఁ గంటే యింత లేదుగా వట్టి
(॥పల్లవి॥)
ఈహీ శ్రీహరిఁ గంటే యింత లేదుగా వట్టి-
దాహపుటాసల వెఱ్ఱి దవ్వు టింతే కాకా
(॥ఈహీ॥)
పలుమారు నిందరిని భంగపడి వేఁడేది
యిలపై దేహము వెంచేయిందు కింతేకా
కలికికాంతలచూపు ఘాతలకు భ్రమసేది
చెలఁగి మైమఱచేటి చేఁత కింతేకా
(॥ఈహీ॥)
పక్కన జన్మాలనెల్లాఁ బాటువడేదెల్లాను
యెక్కడోసంసారాన కిందు కింతేకా
వొక్కరిఁ గొలిచి తిట్టు కొడిగట్టేదెల్లాను
చక్కుముక్కు నాలికెపై చవి కింతేకా
(॥ఈహీ॥)
గారవాన ధనములు గడియించేదెల్లాను
ఆరయ నాదని వీఁగేయందు కింతేకా
చేరి శ్రీవేంకటపతి సేవకుఁ జొరనిదెల్లా
భారపుఁ గర్మపుబాధఁ బట్టువడికా
(||pallavi||)
īhī śhrīharim̐ gaṁṭe yiṁta ledugā vaṭṭi-
dāhabuḍāsala vĕṭri davvu ṭiṁte kāgā
(||īhī||)
palumāru niṁdarini bhaṁgabaḍi vem̐ḍedi
yilabai dehamu vĕṁcheyiṁdu kiṁtegā
kaligigāṁtalasūbu ghādalagu bhramasedi
sĕlam̐gi maimaṟaseḍi sem̐ta kiṁtegā
(||īhī||)
pakkana janmālanĕllām̐ bāḍuvaḍedĕllānu
yĕkkaḍosaṁsārāna kiṁdu kiṁtegā
vŏkkarim̐ gŏlisi tiṭṭu kŏḍigaṭṭedĕllānu
sakkumukku nāligĕbai savi kiṁtegā
(||īhī||)
gāravāna dhanamulu gaḍiyiṁchedĕllānu
āraya nādani vīm̐geyaṁdu kiṁtegā
seri śhrīveṁkaḍabadi sevagum̐ jŏranidĕllā
bhārabum̐ garmabubādham̐ baṭṭuvaḍigā