ఈడేర వలచితే యేపని సేయఁగ రాదు
(॥పల్లవి॥)
ఈడేర వలచితే యేపని సేయఁగ రాదు
యేడ నైనా యెగ్గు సిగ్గు లెంచేరా భూమిని
(॥ఈడేర॥)
వనిత చెప్పితే జాలు వారి దైనా నీఁదేవు
అనువుగాఁ గొండ మోవు మన్నా మోఁచేవు
తనివోక బూ మెల్లాఁ దవ్వు మన్నాఁ దవ్వేవు
వొనర బహురూపాన నుండు మన్నా నుండేవు
(॥ఈడేర॥)
ఇంతి చెప్పితేఁ జాలు యెంతైనాఁ గొంచెపడేవు
అంతలోఁ బగరఁ జంపు మన్నాఁ జంపేవు
చెంత నాపె తపములు సేయు మన్నాఁ జేసేవు
కాంత దనపసులనుఁ గావు మన్నాఁ గాసేవు
(॥ఈడేర॥)
అతివ చూచి కల్ల లాడు మన్నా నాడేవు
బతిమిఁ బారాడు మన్నాఁ బారాడేవు
పతి వైన కోసువానిపల్లె శ్రీవెంకటనాథ
గతియై కూ డుండు మన్నాఁ గాఁగిట నుండేవు.
(||pallavi||)
īḍera valaside yebani seyam̐ga rādu
yeḍa nainā yĕggu siggu lĕṁcherā bhūmini
(||īḍera||)
vanida sĕppide jālu vāri dainā nīm̐devu
anuvugām̐ gŏṁḍa movu mannā mom̐sevu
tanivoga bū mĕllām̐ davvu mannām̐ davvevu
vŏnara bahurūbāna nuṁḍu mannā nuṁḍevu
(||īḍera||)
iṁti sĕppidem̐ jālu yĕṁtainām̐ gŏṁchĕbaḍevu
aṁtalom̐ bagaram̐ jaṁpu mannām̐ jaṁpevu
sĕṁta nābĕ tabamulu seyu mannām̐ jesevu
kāṁta danabasulanum̐ gāvu mannām̐ gāsevu
(||īḍera||)
adiva sūsi kalla lāḍu mannā nāḍevu
badimim̐ bārāḍu mannām̐ bārāḍevu
padi vaina kosuvāniballĕ śhrīvĕṁkaḍanātha
gadiyai kū ḍuṁḍu mannām̐ gām̐giḍa nuṁḍevu.