ఈతనిఁ గొలిచితేనే యిన్ని గొలలునుఁ దీరు
(॥పల్లవి॥)
ఈతనిఁ గొలిచితేనే యిన్ని గొలలునుఁ దీరు
చేతనఁ బెట్టు పుణ్యాలు చేరువనే కలుగు
(॥ఈత॥)
పట్టి కాళింగునిఁ దోలి పాముకొల దీర్చినాఁడు
బట్టబాయిటనే రేపల్లెవారికి
అట్టె పూతనఁ జంపి ఆఁడుఁగొల దీర్చినాఁడు
గట్టిగాఁ గృష్ణుఁడు లోకమువారికెల్లను
(॥ఈత॥)
బలురావణుఁ జంపి బాఁపనకొల దీర్చినాఁడు
యిలమీఁదఁ గలిగిన ఋషులకెల్లా
కొలఁది మీరినయట్టి కోఁతికొల దీర్చినాడు
సొలసి రాఘవుఁ డదె సుగ్రీవునికిని
(॥ఈత॥)
వొలిసి పురాలు చొచ్చి వూరఁగొల దీర్చినాఁడు
అల తనదాసులైన అమరులకు
సిలుగుఁగొలలు దీర్చి సేన వరా లిచ్చినాఁడు
చెలఁగి పరుషలకు శ్రీవేంకటేశుఁడు
(||pallavi||)
īdanim̐ gŏlisidene yinni gŏlalunum̐ dīru
sedanam̐ bĕṭṭu puṇyālu seruvane kalugu
(||īda||)
paṭṭi kāḽiṁgunim̐ doli pāmugŏla dīrsinām̐ḍu
baṭṭabāyiḍane reballĕvārigi
aṭṭĕ pūdanam̐ jaṁpi ām̐ḍum̐gŏla dīrsinām̐ḍu
gaṭṭigām̐ gṛṣhṇum̐ḍu logamuvārigĕllanu
(||īda||)
balurāvaṇum̐ jaṁpi bām̐panagŏla dīrsinām̐ḍu
yilamīm̐dam̐ galigina ṛṣhulagĕllā
kŏlam̐di mīrinayaṭṭi kom̐tigŏla dīrsināḍu
sŏlasi rāghavum̐ ḍadĕ sugrīvunigini
(||īda||)
vŏlisi purālu sŏchchi vūram̐gŏla dīrsinām̐ḍu
ala tanadāsulaina amarulagu
silugum̐gŏlalu dīrsi sena varā lichchinām̐ḍu
sĕlam̐gi paruṣhalagu śhrīveṁkaḍeśhum̐ḍu