ఈతఁడు విష్ణుఁడు రిపు లెక్కడ చొచ్చేరు మీరు
(॥పల్లవి॥)
ఈతఁడు విష్ణుఁడు రిపు లెక్కడ చొచ్చేరు మీరు
చేత చక్రమెత్తినాఁడు శ్రీవేంకటేశుఁడు
(॥ఈత॥)
జలధులు చొచ్చిచొచ్చి సారెఁ బ్రతాపించినాఁడు
చలమునఁ బాతాళము సాధించినాఁడు
బలుభూమిదూరి వొక్కకొలికికిఁ దెచ్చినాఁడు
నిలిచి యంతరిక్షమునిండి భేదించినాఁడు
(॥ఈత॥)
చేరి బ్రహ్మాండము తూఁటుసేసి చూచినాఁడు
వీరుఁడై రాచమూఁకల వెదకినాఁడు
ఘోరపుత్రికూటాదికొండలు జయించినాఁడు
వారించి చక్రవాళపర్వతము దాఁటినాడు
(॥ఈత॥)
మట్టి దైత్యపురాల మర్మాలు విదళించినాఁడు
చుట్టువేడెమున యింతా సోదించినాఁడు
యిట్టె శ్రీవేంకటాద్రినిరవై యెక్కినవాఁడు
రట్టుగాఁ దనదాసులనిట్టె రక్షించినాఁడు
(||pallavi||)
īdam̐ḍu viṣhṇum̐ḍu ribu lĕkkaḍa sŏchcheru mīru
seda sakramĕttinām̐ḍu śhrīveṁkaḍeśhum̐ḍu
(||īda||)
jaladhulu sŏchchisŏchchi sārĕm̐ bradābiṁchinām̐ḍu
salamunam̐ bādāḽamu sādhiṁchinām̐ḍu
balubhūmidūri vŏkkagŏligikim̐ dĕchchinām̐ḍu
nilisi yaṁtarikṣhamuniṁḍi bhediṁchinām̐ḍu
(||īda||)
seri brahmāṁḍamu tūm̐ṭusesi sūsinām̐ḍu
vīrum̐ḍai rāsamūm̐kala vĕdaginām̐ḍu
ghorabutrigūḍādigŏṁḍalu jayiṁchinām̐ḍu
vāriṁchi sakravāḽabarvadamu dām̐ṭināḍu
(||īda||)
maṭṭi daityaburāla marmālu vidaḽiṁchinām̐ḍu
suṭṭuveḍĕmuna yiṁtā sodiṁchinām̐ḍu
yiṭṭĕ śhrīveṁkaḍādriniravai yĕkkinavām̐ḍu
raṭṭugām̐ danadāsulaniṭṭĕ rakṣhiṁchinām̐ḍu