ఈతఁడు బలువుఁడౌట కివియే సాక్షి
(॥పల్లవి॥)
ఈతఁడు బలువుఁడౌట కివియే సాక్షి
యీతఁడు బ్రహ్మమౌట కీతఁడే సాక్షి
(॥ఈతఁ॥)
అమరుల మొరాలించి అసుర బాధలు మాన్పె
అమరుల కెక్కుడౌట కదియే సాక్షి
అమృతము పంచిపెట్టి యాదిలక్ష్మిఁ గైకొనె
అమృతమథనమే అన్నిటికి సాక్షి
(॥ఈతఁ॥)
యిందరుండే బ్రహ్మాండాలు యిదె కుక్షి నించుకొనె
యిందరి కెక్కుడగుట కిదియే సాక్షి
కందువ వరములిచ్చు కడ నెన్నఁడు జెడవు
కందువ పురాణాలలో కథలే సాక్షి
(॥ఈతఁ॥)
ఆది బ్రహ్మఁ బుట్టించె మఱ్ఱాకుమీఁదఁ దుదఁ దేలె
ఆదినంత్య మీతఁడౌట కదివో సాక్షి
పాదుగా శ్రీవేంకటాద్రిపై మహిమ వెదచల్లె
పాదుకొన్నయీతని శ్రీపాదములే సాక్షి
(||pallavi||)
īdam̐ḍu baluvum̐ḍauḍa kiviye sākṣhi
yīdam̐ḍu brahmamauḍa kīdam̐ḍe sākṣhi
(||īdam̐||)
amarula mŏrāliṁchi asura bādhalu mānpĕ
amarula kĕkkuḍauḍa kadiye sākṣhi
amṛtamu paṁchibĕṭṭi yādilakṣhmim̐ gaigŏnĕ
amṛtamathaname anniḍigi sākṣhi
(||īdam̐||)
yiṁdaruṁḍe brahmāṁḍālu yidĕ kukṣhi niṁchugŏnĕ
yiṁdari kĕkkuḍaguḍa kidiye sākṣhi
kaṁduva varamulichchu kaḍa nĕnnam̐ḍu jĕḍavu
kaṁduva purāṇālalo kathale sākṣhi
(||īdam̐||)
ādi brahmam̐ buṭṭiṁchĕ maṭrāgumīm̐dam̐ dudam̐ delĕ
ādinaṁtya mīdam̐ḍauḍa kadivo sākṣhi
pādugā śhrīveṁkaḍādribai mahima vĕdasallĕ
pādugŏnnayīdani śhrībādamule sākṣhi