ఈతఁడే యీతఁడే సుండి యెంత యెంచిచూచినా
(॥పల్లవి॥)
ఈతఁడే యీతఁడే సుండి యెంత యెంచిచూచినా
చేతనే వరాలిచ్చీ శేషాచలేశుఁడు
(॥ఈతఁ॥)
విశ్వరూపబ్రహ్మము విరాట్టయిన బ్రహ్మము
ఐశ్వర్యస్వరా ట్టాసామ్రాట్టయిన బ్రహ్మము
శాశ్వతబ్రహ్మాండాలు శరీరమైన బ్రహ్మము
యీశ్వరుఁడై మహరాట్టై యిందరిలో బ్రహ్మము
(॥ఈతఁ॥)
సూర్యునిలో తేజము సోమునిలో తేజము
శౌర్యపు టనలుని భాస్వత్తేజము
కార్యపు టవతారాలఁ గనుఁగొనే తేజము
వీర్యపుటెజ్ఞభాగాల విష్ణునామ తేజము
(॥ఈతఁ॥)
పరమపురుషమూర్తి ప్రకృతియైన మూర్తి
గరిమతో మహదహంకార మూరితి
ధరఁ బంచతన్మాత్రలు తత్త్వములైన మూరితి
గరుడానంత సేనేశకర్తయైన మూరితి
(॥ఈతఁ॥)
భాగవతపు దైవము భారతములో దైవము
సాగిన పురాణవేదశాస్త్ర దైవము
పోగులైన బ్రహ్మలను బొడ్డునఁ గన్న దైవము
శ్రీగలిగి భూపతైన శ్రీవేంకటదైవము
(||pallavi||)
īdam̐ḍe yīdam̐ḍe suṁḍi yĕṁta yĕṁchisūsinā
sedane varālichchī śheṣhāsaleśhum̐ḍu
(||īdam̐||)
viśhvarūbabrahmamu virāṭṭayina brahmamu
aiśhvaryasvarā ṭṭāsāmrāṭṭayina brahmamu
śhāśhvadabrahmāṁḍālu śharīramaina brahmamu
yīśhvarum̐ḍai maharāṭṭai yiṁdarilo brahmamu
(||īdam̐||)
sūryunilo tejamu somunilo tejamu
śhauryabu ṭanaluni bhāsvattejamu
kāryabu ṭavadārālam̐ ganum̐gŏne tejamu
vīryabuḍĕjñabhāgāla viṣhṇunāma tejamu
(||īdam̐||)
paramaburuṣhamūrdi prakṛtiyaina mūrdi
garimado mahadahaṁkāra mūridi
dharam̐ baṁchadanmātralu tattvamulaina mūridi
garuḍānaṁta seneśhagardayaina mūridi
(||īdam̐||)
bhāgavadabu daivamu bhāradamulo daivamu
sāgina purāṇavedaśhāstra daivamu
pogulaina brahmalanu bŏḍḍunam̐ ganna daivamu
śhrīgaligi bhūbadaina śhrīveṁkaḍadaivamu