(॥పల్లవి॥)
ఈతఁడే హరుఁడు యీతఁడే యజుఁడు
ఈతనికి నీచేఁతలెంత ఘనమటు గాన
(॥ఈత॥)
కడుఁ బెక్కు బ్రహ్మాండకటకములు సుడివడిన
కడుపలో నిడుకొన్న ఘనుఁడు
వెడలి పూతకిచంటివిషము దాఁగినయంత
వడిఁ దనకు నేమాయ వట్టిబూమెలు గాక
(॥ఈత॥)
ఎల్లజలధులు మిగిలి యేకమై పబ్బినపు
డుల్లసిల్లుచు నీతఁడుండు
మల్లాడి యొక రెండు మద్దులు విరచినట్టి
బల్లిదుఁడవని నిన్నుఁ బరిణమింతురుగాన
(॥ఈత॥)
తిరువేంకటేశ్వరుఁడు దేవదేవోత్తముఁడు
పరిపూర్ణుఁ డచ్యుతుఁ డభవుఁడు
శరణాగతుల రక్షసేయు వాడను మాఁటి
గురుతుగాఁ దలపోసి కొనియాడఁగా వలసె
(||pallavi||)
īdam̐ḍe harum̐ḍu yīdam̐ḍe yajum̐ḍu
īdanigi nīsem̐talĕṁta ghanamaḍu gāna
(||īda||)
kaḍum̐ bĕkku brahmāṁḍagaḍagamulu suḍivaḍina
kaḍubalo niḍugŏnna ghanum̐ḍu
vĕḍali pūdagisaṁṭiviṣhamu dām̐ginayaṁta
vaḍim̐ danagu nemāya vaṭṭibūmĕlu gāga
(||īda||)
ĕllajaladhulu migili yegamai pabbinabu
ḍullasillusu nīdam̐ḍuṁḍu
mallāḍi yŏga rĕṁḍu maddulu virasinaṭṭi
ballidum̐ḍavani ninnum̐ bariṇamiṁturugāna
(||īda||)
tiruveṁkaḍeśhvarum̐ḍu devadevottamum̐ḍu
paribūrṇum̐ ḍachyudum̐ ḍabhavum̐ḍu
śharaṇāgadula rakṣhaseyu vāḍanu mām̐ṭi
gurudugām̐ dalabosi kŏniyāḍam̐gā valasĕ