(॥పల్లవి॥)
ఈడ నిందరికి నేలికై వున్నాఁడు
వాడల రేపల్లెవాఁడా వీఁడు
(॥ఈడ॥)
భారపువుట్ల పాలుఁబెరుగులు
వారలు వట్టినవాఁడా వీఁడు
కోరి గొల్లెతల కొలనిలోపల
చీరలుదీసిన శిశువా వీఁడు
(॥ఈడ॥)
ఆవులఁ బేయల నందరియిండ్ల
వావిరిఁ గాచినవాఁడా వీఁడు
వావు లొక్కటిగా వనితలఁ గూడి
వేవేలునేర్చినవిటుఁడా వీఁడు
(॥ఈడ॥)
అరుదై శ్రీవేంకటాద్రిమీఁదనుండి
వరములిచ్చేటివాఁడా వీఁడు
మరిగెలమేల్మంగతో మమ్మేలె
సరసుఁడై వుండేజాణా వీఁడు
(||pallavi||)
īḍa niṁdarigi neligai vunnām̐ḍu
vāḍala reballĕvām̐ḍā vīm̐ḍu
(||īḍa||)
bhārabuvuṭla pālum̐bĕrugulu
vāralu vaṭṭinavām̐ḍā vīm̐ḍu
kori gŏllĕdala kŏlanilobala
sīraludīsina śhiśhuvā vīm̐ḍu
(||īḍa||)
āvulam̐ beyala naṁdariyiṁḍla
vāvirim̐ gāsinavām̐ḍā vīm̐ḍu
vāvu lŏkkaḍigā vanidalam̐ gūḍi
vevelunersinaviḍum̐ḍā vīm̐ḍu
(||īḍa||)
arudai śhrīveṁkaḍādrimīm̐danuṁḍi
varamulichcheḍivām̐ḍā vīm̐ḍu
marigĕlamelmaṁgado mammelĕ
sarasum̐ḍai vuṁḍejāṇā vīm̐ḍu